အိုမီဂါ ၃ ကို နေ့စဉ် သောက်သုံးပေးသင့်တဲ့ အကြောင်းအရင်းများ
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ အိုမီဂါ ၃ ကို နေ့စဉ် သောက်သုံးပေးသင့်တဲ့ အကြောင်းအရင်းများ ဆိုတဲ့သတင်းလေးပဲ ဖြစ်ပါတယ်။
အိုမီဂါ ၃ ကို နေ့စဉ် သောက်သုံးပေးသင့်တဲ့ အကြောင်းအရင်းများ
အိုမီဂါ ၃ ဖက်တီးအက်ဆစ် (fatty acids) က အမျိုးမျိုးသောခန္ဓာကိုယ် လုပ်ဆောင်ချက်တွေအတွက် အရေးကြီးပါတယ်။ အိုမီဂါ ၃ ဖက်တီးအက်ဆစ်ကို ဆလမွန်ငါး၊ တူနာငါး၊ ထရောက်ငါးတို့အပါအဝင် ပင်လယ်စာတွေမှာ သဘာဝအလျောက်တွေ့ရပါတယ်။ တချို့ဟင်းသီးဟင်းရွက်တွေ၊ ပဲနို့နဲ့ ကနိုလာဆီ (Canola Oil) တို့မှာ တွေ့ရတဲ့ ALA လို့ခေါ်တဲ့ အိုမီဂါ ၃ လည်းရှိပါတယ်။ ကျွန်တော်တို့ခန္ဓာကိုယ် လုပ်ဆောင်ချက်အတွက် အိုမီဂါ ၃ ကို နေ့တိုင်းစားပေးဖို့ တကယ်ကို အရေးကြီးပါတယ်။ အိုမီဂါ ၃ ကို နေ့စဉ် သောက်သုံးပေးမယ်ဆိုရင်
စိတ်ဓာတ်ကျခြင်းနဲ့ စိုးရိမ်ပူပန်ခြင်းကို တိုက်ဖျက်ပေးတယ်
စိတ်ဓာတ်ကျခြင်းနဲ့ စိုးရိမ်ပူပန်ခြင်းတွေက လက်ရှိလူတော်တော်များများ ကြုံတွေ့နေရတဲ့ စိတ်ပိုင်းဆိုင်ရာအားနည်းမှု ဖြစ်ပါတယ်။ အဲဒီလိုပြဿနာတွေကို လျော့နည်းသွားအောင် အိုမီဂါ ၃ က ကူညီပေးနိုင်တယ်လို့ လေ့လာချက်တွေက ဆိုပါတယ်။ အိုမီဂါ ၃ ကို နေ့စဉ်သောက်သုံးတဲ့လူတွေက စိတ်ဓာတ်ကျခြင်းနဲ့ စိုးရိမ်ပူပန်ခြင်းတွေ မရှိသလောက်နည်းပါးပါတယ်။ စိတ်ဓာတ်ကျခြင်းနဲ့ စိုးရိမ်ပူပန်ခြင်းတွေ ခံစားနေရတဲ့သူတွေတောင် အိုမီဂါ ၃ ကို နေ့စဉ်စားသုံးပြီးတဲ့နောက်မှာ တိုးတတ်မှုရှိတယ်လို့ ဆိုပါတယ်။
မျက်လုံးကျန်းမာရေးကို တိုးတတ်စေတယ်
အိုမီဂါ ၃ လုံလုံလောက်လောက် မရတဲ့အခါမှာ အမြင်အာရုံပြဿနာတွေ တိုးလာနိုင်ပါတယ်။ အိုမီဂါ ၃ကို နေ့တိုင်းစားသုံးပေးခြင်းက မျက်စိအာရုံတဖြည်းဖြည်း ပျက်စီးနိုင်ခြေကို လျော့ချပေးနိုင်ပြီး အမြင်အာရုံကောင်းစေနိုင်ပါတယ်။
ကလေးတွေရဲ့ ခန္ဓာကိုယ်ဖွံ့ဖြိုးမှု အားနည်းတဲ့လက္ခဏာရပ်တွေကို လျော့ချပေးတယ်
ကျန်းမာသန်စွမ်းတဲ့ ကလေးတွေနဲ့ယှဉ်ရင် ခန္ဓာကိုယ်ဖွံ့ဖြိုးမှုအားနည်းတဲ့ ကလေးတွေက အိုမီဂါ ၃ ပမာဏ နည်းပါးတယ်လို့ လေ့လာချက်မှာတွေ့ရှိရပါတယ်။ ကလေးတွေကိုလည်း အိုမီဂါ ၃ ကို ငယ်ငယ်ကတည်းက တိုက်ပေးသင့်မယ်ဆိုရင် ခန္ဓာကိုယ်ဖွံ့ဖြိုးမှုအားနည်း တဲ့လက္ခဏာရပ်တွေကိုလည်း လျော့ချပေးနိုင်တယ်လို့ ဆိုပါတယ်။
ကိုယ်ခံအားဖောက်ပြန်ပြောင်းလဲတဲ့ရောဂါကို တိုက်ဖျက်ပေးတယ်
ကိုယ်ခံအားဖောက်ပြန်ပြောင်းလဲတဲ့ရောဂါမှာ ကိုယ်ခံအားစနစ်က ကျန်းမာသန်စွမ်းတဲ့ဆဲလ်တွေကို foreign ဆဲလ်တွေအဖြစ် အမှတ်မှားပြီး တိုက်ခိုက်ကြပါတယ်။ ဆီးချိုရောဂါမှာတော့ ကိုယ်ခံအားစနစ်က ပန်ကရိယမှာ အင်ဆူလင်ထုတ်လုပ်ပေးတဲ့ဆဲလ်တွေကို တိုက်ဖျက်ကြပါတယ်။ ငယ်ငယ်ကတည်းက အိုမီဂါ ၃ကို ပုံမှန်သောက်သုံးပေးခြင်းက ဒီလိုရောဂါမျိုးတွေ ဖြစ်လာနိုင်ခြေကို လျော့ချပေးတယ်လို့ ဆိုပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
