အဆစ်အမြစ်ရောင်ရောဂါကို သက်သာစေတဲ့ ပန်းမုန်လာစိမ်း
ပန်းမုန်လာစိမ်း (Broccoli) မှာပါဝင်တဲ့ ဓာတ်ပေါင်းတစ်မျိုးဟာ အဆစ်အမြစ်ရာင်ရောဂါကို သက်သာစေတဲ့ အစွမ်းသတ္တိရှိတယ်လို့ ဖော်ထုတ်နိုင်ခဲ့ပါတယ်။
အဆစ်အမြစ်ရောင် ရောဂါတစ်မျိုးဖြစ်တဲ့ OA ရောဂါဟာ အဆစ်အမြစ်တွေ ရဲ့ အရိုးနု Cartilage ပျက်စီးယိုယွင်းခြင်းကြောင့် ဖြစ်လာရတာဖြစ်ပြီးအဆစ်အမြစ်နာကျင်ခြင်းနဲ့ လှုပ်ရှားမှုတွေ ခက်ခဲခြင်းတွေကို ကြုံတွေ့ခဲ့ရတာကို လေ့လာရပါတယ်။ဒီမှာ အဆစ်အမြစ်ရောင်ရောဂါအတွက် အဆစ်အစားထိုးကုသမှုတွေက ပြဿနာကိုဖြေရှင်းနိုင်ပေမယ့် စရိတ်စက ကလည်း ထည့်သွင်းစဉ်းစားစရာ ဖြစ်နေပါသေးတယ်။
ဒီလေ့လာမှုမှာတော့ ပန်းမုန်လာစိမ်းမှာပါဝင်တဲ့
Sulforaphane ဟာ OA ရောဂါမှာ ဘယ်လို အသုံးဝင်တယ်ဆိုတာကို တွေ့ရှိခဲ့ပါတယ်။အဆစ်အမြစ် ရောင်ရောဂါရှင်တွေဟာ ရှောင်ရှားရမယ့်အစားအစာတွေ များပြားတဲ့အထဲက စားသုံးသင့်တဲ့ အစားအစာတစ်ခုတိုးလာတာပဲ ဖြစ်ပါတယ်။
Sulforophone ဟာ အဆစ်ကိုတည်ဆောက်ထားတဲ့ အရိုးနုဖွဲ့စည်းမှုကို ပိုမိုခိုင်မြဲစေပြီး ပျက်စီးယိုယွင်းမှုနှုန်းကို လျော့ကျစေတယ်လို့ လေ့လာမှုကိုပြုလုပ်ခဲ့တဲ့ National Diet Assocaition က ဖော်ပြထားပါတယ်။
ပန်းမုန်လာစိမ်းဟာ ကယ်လစီယမ်၊ ဗီတာမင်အေ၊ စီနဲ့ ဖောလစ်အက်ဆစ်တွေ ပါဝင်မှုများတဲ့အတွက် အဆစ်အမြစ်ရောဂါရှင်တွေသာမက လူတိုင်းနေ့စဉ် စားသုံးပေးသင့်ပါတယ်။အဆစ်အမြစ်ရောင် ရောဂါရှင်တွေဟာ အစားအသောက် နဲ့ ကုသမှုတွေအပြင် နေ့စဉ်ပုံမှန် လေ့ကျင့်ခန်းများနဲ့ကိုယ်အလေးချိန် ထိန်းချုပ်ဖို့လဲ လိုအပ်ကြောင်း အခု လေ့လာမှုမှာ ဖော်ပြထားပါတယ်။
Credit-Nyein Aye (Health Updates Journal Vol.2, No.37)
ရေးသားသူ –Shweu
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
