ပါတီနဲ့ ပူးပေါင်းလုပ်ဆောင်ဖို့ ကြံ့ခိုင်ရေးပါတီက ကူညီရေးအဖွဲ့တွေကို တွေ့ဆုံ တိုက်တွန်း
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ ပါတီနဲ့ ပူးပေါင်းလုပ်ဆောင်ဖို့ ကြံ့ခိုင်ရေးပါတီက ကူညီရေးအဖွဲ့တွေကို တွေ့ဆုံ တိုက်တွန်း ဆိုတဲ့သတင်းလေးပဲ ဖြစ်ပါတယ်။
ပြုလုပ်မယ့် နေရာကို သံလွင်လမ်းလို့သာ အဖွဲ့တွေအကြားသိရှိခဲ့ရပေမယ့် ရောက်ရှိတဲ့အချိန်မှာတော့ ပြည်ခိုင်ဖြိုးပါတီဆိုင်းဘုတ်နဲ့ ရုံးကိုတွေ့ရှိခဲ့ကြရတာလို့ တက်ရောက်ခဲ့တဲ့အသင်းတွေနဲ့ မတက်ဖြစ်ခဲ့တဲ့ အသင်းတွေဘက်က သိရပါတယ်။
ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီက ရန်ကုန်ကလူမှုကူညီရေးအဖွဲ့တွေ၊ သာသနာနုဂ္ဂဟအသင်း အပါအဝင် အခြားအဖွဲ့အစည်း ၃၀ လောက်နဲ့ ဇန်နဝါရီ ၇ရက်နေ့က တွေ့ဆုံခဲ့ပြီးပါတီနဲ့ ပူးပေါင်းဆောင်ရွက် ဖို့ ပါတီဥက္ကဋ္ဌ ဦးခင်ရီကတိုက်တွန်းပြောဆိုခဲ့ တယ်လို့သိရပါတယ်။
တွေ့ဆုံဖို့ ကြိုတင်ဖိတ်ကြားတာမျိုးမရှိခဲ့ဘူးလို့ဆို
အခုလိုတွေ့ဆုံမှုကို ပြည်ခိုင်ဖြိုးပါတီဘက်က အသင်းအများစုကို တရားဝင်ဖိတ်စာမျိုးနဲ့ ဖိတ်ကြားခဲ့တာမျိုး မဟုတ်ဘဲ၊ သုံးရာသီ လူမှုကူညီရေးဖောင်ဒေးရှင်းဖွဲ့စည်းဖို့ ဇန်နဝါရီ ၇ရက်မနက်ပိုင်းမှာ အစည်းအဝေး လို့ဆိုကာ ပြုလုပ်မယ်လို့ ကူညီရေးအဖွဲ့တွေ အကြား သိရှိထားရမှုအရ သွားရောက်ခဲ့ကြတာလို့သိရပါတယ်။
ပြုလုပ်မယ့် နေရာကို သံလွင်လမ်းလို့သာ အဖွဲ့တွေအကြားသိရှိခဲ့ရပေမယ့် ရောက်ရှိတဲ့အချိန်မှာတော့ ပြည်ခိုင်ဖြိုးပါတီဆိုင်းဘုတ်နဲ့ ရုံးကိုတွေ့ရှိခဲ့ကြရတာလို့ တက်ရောက်ခဲ့တဲ့အသင်းတွေနဲ့ မတက်ဖြစ်ခဲ့တဲ့ အသင်းတွေဘက်က သိရပါတယ်။
“ကြံ့ခိုင်ရေးပါတီနဲ့ တွေ့ဖို့လိုပြောတာတော့မဟုတ်ဘူးဗျ။ သုံးရာသီဖောင်ဒေးရှင်းဖွဲ့ဖို့သွားတာပေါ့၊ ဟိုရောက်တော့ ကြံ့ခိုင်ရေးပါတီဆိုင်းဘုတ်ကိုတွေ့လိုက်ရတာပေါ့။ နောက်သိလိုက်ရတာ ဦးခင်ရီလာမယ်။ ဒီလိုပရဟိတအဖွဲ့တွေနဲ့တွေ့မယ်လို့သိလိုက်ရတယ်။ ကျွန်တော်တို့ကဝင်ပြီးသွားတော့ သူတို့ပြောတာကို နားထောင်ပေးတယ်။ ပါတီနဲ့အဖွဲ့တွေနဲ့ ပူးပေါင်းဖို့ပြောတယ်။ ကျွန်တော်တို့ကတော့ ပူးပေါင်းမယ် မပူး ပေါင်းဘူဘာမှတော့မပြောခဲ့ဘူး” လို့ တွေ့ဆုံပွဲကို ရောက်ခဲ့သူ တစ်ဦးကဘီဘီစီကိုပြောပြပါတယ်။
အဲဒီတွေ့ဆုံမှုက လူမှုကူညီရေးလုပ်ငန်းတွေလုပ်ဆောင်တဲ့နေရာမှာ ပြည်ခိုင်ဖြိုးပါတီနဲ့ ပူးပေါင်းလုပ်ဆောင်ဖို့ အတွက် အသင်းအဖွဲ့တွေကို ပါတီဥက္ကဋ္ဌ က တိုက်တွန်းပြောခဲ့တာလို့ အစည်းအဝေးကို တက်ရောက်ခဲ့တဲ့ လူမှုကူညီရေးအသင်းရဲ့တာဝန်ရှိသူက ဘီဘီစီကိုပြောပါတယ်။
ပါတီနဲ့ ပူးပေါင်းဆောင်ရွက်ဖို့ လူမှုကူညီရေးအသင်းတွေဘက်က လိုအပ်ချက်တွေကိုလည်း ပါတီကနေ ဖြည့်ဆည်းပေးတာတွေကိုလုပ်ဆောင်ပေးမယ်လို့ ဦးခင်ရီကပြောခဲ့တဲ့အကြောင်း သိရပါတယ်။
ဒါပေမယ့် ဘယ်လိုတိတိကျကျဖြည့်ဆည်းပေးမယ်ဆိုတာကိုတော့ အတိအကျပြောဆိုတာမျိုးမရှိဘူးလို့ လည်း အစည်းအဝေးကိုတက်ခဲ့တဲ့အသင်းတွေထံကသိရပါတယ်။
ပြည်ခိုင်ဖြိုးပါတီဘက်ကတော့ ဥက္ကဋ္ဌနှင့်အတူ ဒုတိယဥက္ကဋ္ဌ ဉီးမျိုးဇော်သိန်း၊ ဗဟိုအလုပ်အမှုဆောင် ရန်ကုန်တိုင်းဒေသကြီး ပါတီဥက္ကဋ္ဌ ဦးခင်မောင်စိုးနဲ့ ပါတီတာဝန်ရှိသူတွေက ရန်ကုန်တိုင်းဒေသကြီးအတွင်းရှိ လူမှုအကူအညီပေးရေး အသင်းအဖွဲ့(၂၉)ဖွဲ့မှ စုစုပေါင်း (၂၃၅)ဦးနဲ့ ဇန်နဝါရီ ၇ရက်နေ့မှာ တွေ့ဆုံခဲ့တယ်လို့ ထုတ်ပြန်ထားပါတယ်။
ရေးသားသူ – BBC Burmese
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
