ထိုင်းနိုင်ငံမှာ ပျောက်ဆုံးနေတဲ့ ဂျာမန်စီးပွားရေးလုပ်ငန်းရှင်ရဲ့ ခန္ဓာကိုယ်အစိတ်အပိုင်းတွေကို ရေခဲသေတ္တာထဲကနေ ပြန်တွေ့
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ ထိုင်းနိုင်ငံမှာ ပျောက်ဆုံးနေတဲ့ ဂျာမန်စီးပွားရေးလုပ်ငန်းရှင်ရဲ့ ခန္ဓာကိုယ်အစိတ်အပိုင်းတွေကို ရေခဲသေတ္တာထဲကနေ ပြန်တွေ့ ဆိုတဲ့သတင်းလေးပဲ ဖြစ်ပါတယ်။
ထိုင်းနိုင်ငံမှာ ပျောက်ဆုံးနေတဲ့ ဂျာမန်စီးပွားရေးလုပ်ငန်းရှင်ရဲ့ ခန္ဓာကိုယ်အစိတ်အပိုင်းတွေကို ရေခဲသေတ္တာထဲကနေ ပြန်တွေ့
ဂျာမန်စီးပွားရေးလုပ်ငန်းရှင်တစ်ယောက်ရဲ့ ခုတ်ထစ်ပိုင်းဖြတ်ခံထားရတဲ့ ခန္ဓာကိုယ်အစိတ်အပိုင်းတွေကို ထိုင်းရဲတပ်ဖွဲ့က ရေခဲသေတ္တာထဲကနေ ရှာဖွေတွေ့ရှိခဲ့ပါတယ်။ အသက် ၆၂ နှစ်အရွယ် ဂျာမန်စီးပွားရေးလုပ်ငန်းရှင် ဟန်ပီတာမက်ခ်ဟာ ပတ္တရားကမ်းခြေ အရှေ့ပိုင်းမှာရှိတဲ့ Nong Prue မြို့မှာ ထိုင်းနိုင်ငံသူ ဇနီးသည်နဲ့အတူ နေထိုင်သူပါ။ သူဟာ ဇူလိုင်လ ၄ ရက်ကတည်းက ပျောက်ဆုံးသွားခဲ့တာဖြစ်ပြီး သူ့ကို ရှာဖွေပေးနိုင်ရင် ဘတ် ၃ သန်း ချီးမြှင့်မယ်လို့ မိသားစုက ဆုကြေးငွေ ထုတ်ထားပါတယ်။
ဟန်ပီတာမက်ခ်ကို ပတ္တရားကမ်းခြေမှာ မာစီးဒီးစ် ဆီဒင်ကား မောင်းနေတာ နောက်ဆုံးမြင်တွေ့လိုက်ရတာပါ။ ပြီးခဲ့တဲ့ တနင်္ဂနွေနေ့က Nong Prue မြို့ ကွန်ဒိုတစ်ခုရဲ့ ကားပါကင်မှာ ဟန်ပီတာမက်ခ်ရဲ့ ကားကို တွေ့ရှိခဲ့တာ ဖြစ်ပါတယ်။ အဲဒီနေရာတစ်ဝိုက်က စောင့်ကြည့်ကင်မရာ မှတ်တမ်းတွေကို စစ်ဆေးခဲ့ပြီးနောက် အိမ်တစ်လုံးရဲ့ ရေခဲသေတ္တာထဲကနေ သူ့ရဲ့ ခန္ဓာကိုယ်အစိတ်အပိုင်းတွေကို တွေ့ခဲ့တာပါ။
စုံစမ်းစစ်ဆေးသူတွေဟာ ကြိုးမဲ့လွှစက်၊ ခြံစည်းရိုး ဖြတ်ညှိစက် ၂ လုံးနဲ့ ပလတ်စတစ်လိပ်တွေကို တွေ့ရှိခဲ့ပါတယ်။ ဟန်ပီတာမက်ခ်ရဲ့ ကားအတွင်း ကားထိုင်ခုံတွေ၊ dashboard ၊ စတီယာရင်နဲ့ တခြားနေရာတွေမှာ ဆေးကြောဖို့ အသုံးပြုတဲ့အရည်တစ်မျိုး တွေ့ရပါတယ်။ ယခုတွေ့ရှိတဲ့ အထောက်အထားတွေအရ အလောင်းဖျောက်ဖို့ ကြိုးစားမှုဖြစ်တယ်လို့ ထိုင်းရဲမှူးချုပ် သီရာချိုင်က ဆိုပါတယ်။
ဒီဖြစ်ရပ်နဲ့ပတ်သက်ပြီး သံသယဖြစ်ဖွယ်ရှိတဲ့ ဂျာမန်နိုင်ငံသားနှစ်ယောက်ကို ဖမ်းဆီးထားပါတယ်။ ဟန်ပီတာမက်ခ်ဟာ အိမ်ခြံမြေအကျိုးဆောင်တစ်ဦးဖြစ်ပါတယ်။ သူ ပျောက်ဆုံးသွားတဲ့နေ့မှာ ဇနီးသည်က ဖုန်းဆက်ခဲ့ပေမဲ့ ဖုန်းမကိုင်ခဲ့ဘဲ ” နောက်မှ ပြန်ခေါ်လိုက်မယ်”လို့ မက်ဆေ့ ပြန်ပို့ခဲ့ပါတယ်။ အဲဒီည ၁၀ နာရီအချိန်မှာ ” ဝယ်လက်နဲ့ စကားပြောနေတုန်း” ဆိုတဲ့ နောက်ထပ်မက်ဆေ့ တစ်ခု ထပ်ရောက်လာခဲ့ကြောင်း ဇနီးသည်က ဆိုပါတယ်။ ဟန်ပီတာမက်ခ်နဲ့ ၅ နှစ်ကြာ ပေါင်းသင်းနေထိုင်ခဲ့တဲ့ကာလအတွင်း အဲဒီလို တစ်ခါမှ မက်ဆေ့ မပို့ခဲ့ဖူးတာကြောင့် ဇနီးသည်က သံသယဖြစ်ပြီး လူပျောက်တိုင်ချက် ဖွင့်ခဲ့တာပါ။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
