ရန်ငြိမ်း လာဘ်လာ ပင်စိမ်း မဟာ
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ ရန်ငြိမ်း လာဘ်လာ ပင်စိမ်း မဟာ ဆိုတဲ့သတင်းလေးပဲ ဖြစ်ပါတယ်။
ရန်ငြိမ်း လာဘ်လာ ပင်စိမ်း မဟာ
ကိုယ့်ရဲ့ အိမ်တော် မင်္ဂလာ မှာ ….. မကောင်းသော စွမ်းအားများ ကိန်းဝပ်ခြင်း ၊ တပါးသူ၏ မလိုမုန်းထား ပြသနာများကြောင့် အိမ်ပူ ၊ လာဘ်လာဘ ပိတ်ခြင်း မမြင်ရသော အတိုက်အခိုက် တို့၏ သောက ခံစားနေရခြင်း ၊ မိသားစု အချင်းချင်း မသင့်မြတ်မူ ၊ အတူနေ မိသားစု မကြာခဏ ချူချာခြင်း ၊ ရင်သွေးများ အကြောင်းမဲ့ ငိုကြွေး နေခြင်း စသည် … စသည် ကိစ္စရပ်များ ဖြစ်ပွားနေရင်တော့ ငွေကုန်ကြေးကျလဲ သက်သာပြီး ထူးခြားစွာ အမြန် သက်သာရာ ရစေတဲ့ အောက်ပါ လောကီအစီအရင် ကို ပြုလုပ် ပေးပါ ❞ ။
အရပ် အခေါ် ကုလားပင်စိမ်း လို့ ခေါ်ကြတဲ့ ပင်စိမ်း ကို နေ့သား အလိုက် အောက်ပါ အရပ်မျက်နှာ မှာ စိုက်ပျိုး ပေးပါ ၊ အိမ်ထောင်ရှင်မ ၏ နေ့သား နဲ့ စိုက်ပျိုးပြီး အိမ်ထောင်ရှင်မ ပဲ အောက်ပါ ကိစ္စ ပြုလုပ် ပေးပါ ၊ လူပျို အပျို နေထိုင်သူများ မိမိ
တို့ ကိုယ်တိုင် ပြုလုပ် နိုင်ပါတယ် ။
တနင်္ဂနွေ သားသ္မီး များ အတွက်
အနောက်အရပ် ၊ မြောက်အရပ်
တနင်္လာ သားသ္မီး များ အတွက်
အရှေ့အရပ် ၊ အရှေ့တောင်အရပ်
အင်္ဂါ သားသ္မီး များ အတွက်
အရှေ့တောင်အရပ် ၊ တောင်အရပ်
ဗုဒ္ဓဟူး သားသ္မီး များ အတွက်
တောင်အရပ် ၊ အရှေ့မြောက်အရပ်
ကြာသပတေး သားသ္မီး များ အတွက်
အရှေ့ ၊ အရှေ့တောင်အရပ်
သောကြာ သားသ္မီး များ အတွက်
တောင်အရပ် ၊ အနောက်တောင်အရပ်
စနေ သားသ္မီး များ အတွက်
အရှေ့မြောက်အရပ် ၊ တောင်အရပ်
ဆိုင်မှ ပျိုးပင် ဝယ်ယူတာ ဖြစ်ဖြစ် ၊ အသိမိတ်ဆွေ
ထံမှ ရယူတာ ဖြစ်ဖြစ် ကိုယ်တိုင် ပန်းအိုး လဲချိန်၍
ဘုရားသောက်တော်ရည် စွန့်ထားတာလေး အထဲ
မိမိမှာ ရှိသော ရွှေကို စိမ်ကာ ပင်စိမ်းပင် ရေသွန်း
လောင်းပေးပါ ။
လပြည့်နေ့များ နဲ့ လပြည့်ကာနီး ဝိုင်းစက် လင်းထိန် နေတဲ့ လမင်း ၏ အလင်းရောင် အောက်မှာ ရေသန့် ၁ခွက် ကို လရောင်ခံပြီး မနက် အစော နေထွက်ချိန် ပင်စိမ်းပင် ရေသွန်း လောင်းပေးပါ ။
မနက် ဘုရားဝတ်ပြုပြီးချိန် သို့ ကိုယ်လက်သန့်စင် ပြီးချိန် နဲ့ နေဝင်စ အချိန် ၆နာရီ ဝန်းကျင် နေ့စဉ် ပင်စိမ်းပင် ကို ရေလောင်း ပေးပါ ။
နေ့စဉ် နေဝင်စ အချိန် ၆နာရီ ဝန်းကျင် မှာ ပင်စိမ်းပင် စိုက်ထားသော ပန်းအိုး အနီး မှာ မြေဆီမီးခွက် ထဲမှာ ထောပတ်ဆီ ထည့်ကာ မီးထွန်း ပေးပါ ၊ လောပန် သို့ အမွေးတိုင် မိမိ အဆင်ပြေရာ ထွန်းပါ ။
အနည်းဆုံး ၁ပတ် ၁ခါ သို့ မိမိတို့ အဆင်ပြေ သလို ရက်ခြားကာ ဘုရားသောက်တော်ရည် စွန့်ထားတာ အထဲ ဆနွင်း အစစ် အနည်းငယ် ထည့်ထားကာ ပင်စိမ်းရွက် ၏ ထိပ်ဖျားမှ အခက် ၁ခက် ယူပြီး ပင်စိမ်းခက်ကို ကိုင် ဘုရားသောက်တော်ရည် ထဲ ထည့်ပြီး ပုဗ္ဗဏှသုတ် ကို ရွတ်ဆို ပွားများ ပြီး အိမ်တော် မင်္ဂလာ တခုလုံး ကို ရေလိုက်ဖျန်း ပေးပါ ။
ရှောင်ကျဉ်ရန်
အိမ်မှာ မွေးထားတဲ့ ကြောင်လေး ၊ ခွေးလေးတွေ
ရှိရင် ပင်စိမ်းပင် ကို ကစားတာ ၊ စားတာ စသည်
မလုပ်ပါစေနဲ့ ။
ဧည့်သည် ဖြစ်စေ ၊ မိသားစုဝင် ဖြစ်စေ ပင်စိမ်းပင်
ပန်းအိုး မှာ ဆေးလိပ်မီး သတ်တာ ၊ အမှိုိုက် ပစ်မူ
စသည် မလုပ်ပါနဲ့ ။
အပင် အားဖြည့်သော သဘော နဲ့ ကြက်ဥ
ထည့်တာ မလုပ်ပါနဲ့ ။
အမျိုးသမီး လစဉ်ကိစ္စများ ဖြစ်နေချိန်များ ၌
အထက်ပါ လုပ်ဆောင်မူများ မလုပ်ရပါ ။
ပင်စိမ်းပင် အမြန်ဆုံး ထွားလာလေ ၊ အရွက်များ
စိမ်းစို ဝေဆာလေ မိမိ ကြုံနေရသော သောကတို့့
သက်သာ ပျောက်ကင်းလေ ဖြစ်၏ ။
ရေးသားသူ –ဝေဒင်္ဂ
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
