မြေးဖြစ်သူကြောင့် အသက် ၉၀ အရွယ်မှာ ဓာတ်ပုံမော်ဒယ်ဖြစ်ခဲ့တဲ့ အဘိုးအို
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ မြေးဖြစ်သူကြောင့် အသက် ၉၀ အရွယ်မှာ ဓာတ်ပုံမော်ဒယ်ဖြစ်ခဲ့တဲ့ အဘိုးအို ဆိုတဲ့သတင်းလေးပဲ ဖြစ်ပါတယ်။
မြေးဖြစ်သူကြောင့် အသက် ၉၀ အရွယ်မှာ ဓာတ်ပုံမော်ဒယ်ဖြစ်ခဲ့တဲ့ အဘိုးအို
စင်ကာပူနိုင်ငံက အဘိုးအိုတစ်ယောက်ဟာ သူ့မြေးဖြစ်သူ ဓာတ်ပုံဆရာ ဟိုဆောင်သီရဲ့အကူအညီနဲ့ မော်ဒယ်ဖြစ်လာခဲ့ပါတယ်။ ဟိုဆောင်သီရဲ့ပြောစကားအရ အသက် ၉၀ အရွယ်သူ့အဘိုး ဓာတ်ပုံမော်ဒယ်မလုပ်ခင်က TikTok ဘယ်လိုသုံးရမလဲသိပြီး သူ့ရဲ့ဓာတ်ပုံရိုက်ချက်တွေကို ကြည့်လေ့ရှိတယ်လို့ ဆိုပါတယ်။
သူ့အဘိုး ဓာတ်ပုံမော်ဒယ်ဖြစ်လာခဲ့တာကတော့ သူ ဓာတ်ပုံပြိုင်ပွဲမှာ ပါဝင်ရင်း သူ့အဘိုးပါတဲ့ ဓာတ်ပုံတွေရိုက်ရင် အဓိပ္ပာယ်ရှိမယ်လို့ စိတ်ကူးဖြစ်တာက စခဲ့တာပါ။ သူ့အဘိုးက Peaky Blinders စီးရီးကို YouTube ကနေ ကြည့်လေ့ရှိတဲ့အတွက် အဲဒီထဲက ဇာတ်ကောင်တွေရဲ့ဝတ်စားဆင်ယင်တဲ့ပုံစံကို ကြိုက်နှစ်သက်ခဲ့တာပါ၊။
သူ့အဘိုးကို အဲဒီစီးရီးထဲက Shelby Family လို ပုံစံမျိုးဝတ်ဆင်ပြီး ဓာတ်ပုံအရိုက်ခံဖို့ ပြောဖြစ်ခဲ့ပါတယ်။ အဲဒီလိုနဲ့ Peaky Blinders အငွေ့အသက်ပါတဲ့ ဓာတ်ပုံတွေရိုက်ဖြစ်ခဲ့ပါတယ်။ သူ့အဘိုးကို ဓာတ်ပုံရိုက်ပေးရတာက သိပ်မခက်ခဲပေမဲ့ ကြိုတင်ပြင်ဆင်မှုတွေတော့ လုပ်ခဲ့ရပါတယ်။ သူ့အဘိုးရဲ့အသက်အရွယ်ကို ထည့်တွက်ပြီး အရမ်းမပူအိုက်ခင် မနက်ခင်းမှာ ဓာတ်ပုံရိုက်ကူးဖို့ စီစဉ်ခဲ့ရတဲ့အပြင် လေဝင်လေထွက်ကောင်းတဲ့နေရာကိုလည်း ရွေးချယ်ခဲ့ရပါတယ်။ သူ့အဘိုး သက်တောင့်သက်သာဖြစ်စေဖို့ ခရီးဆောင်ပန်ကာနဲ့ အနားယူဖို့ ကုလားထိုင်ကိုလည်း ယူဆောင်ခဲ့ပါတယ်။
သူ့အဘိုး ဓာတ်ပုံရိုက်ကူးရာမှာ ဝတ်ဆင်တဲ့အဝတ်အစားတွေကို သူ့မိသားစုတွေ ပိုင်တာအပြင် ဆွေမျိုးတွေဆီက ငှားခဲ့တာပါ။ တချို့လိုအပ်တဲ့ပစ္စည်းတွေကိုတော့ Taobao ကနေ ဝယ်ယူခဲ့တာပါ။ သူ့အဘိုး အနားယူလို့ရဖို့ ဓာတ်ပုံတွေကို မြန်မြန်ရိုက်ခဲ့တဲ့အတွက် ဓာတ်ပုံရိုက်ကူးမှုက မိနစ် ၂၀ လောက်ပဲ အချိန်ယူခဲ့ရပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
