တရုတ်ဒရာမာမှာ ပထမဆုံးအနေနဲ့ အသုံးပြုထားတဲ့ AI မင်းသမီး
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ တရုတ်ဒရာမာမှာ ပထမဆုံးအနေနဲ့ အသုံးပြုထားတဲ့ AI မင်းသမီး ဆိုတဲ့သတင်းလေးပဲ ဖြစ်ပါတယ်။
တရုတ်ဒရာမာမှာ ပထမဆုံးအနေနဲ့ အသုံးပြုထားတဲ့ AI မင်းသမီး
တရုတ်ဒရာမာ I Am Nobody ဟာ မှတ်ဉာဏ်တုနည်းပညာ (AI) နဲ့ ဖန်တီးထားတဲ့ မင်းသမီးကို အသုံးပြုသွားမှာဖြစ်တာကြောင့် လူစိတ်ဝင်စားမှုများနေပါတယ်။ The Outcast ဆိုတဲ့ Web Manga ကို အခြေခံထားတဲ့ ဒီဒရာမာက တကယ်သရုပ်ဆောင်တွေနဲ့အတူ AI မင်းသမီးပါဝင်မယ့် တရုတ်နိုင်ငံရဲ့ ပထမဇာတ်လမ်းတွဲဖြစ်ပါတယ်။
လီလီလို့အမည်ရတဲ့ AI မင်းသမီးက မတော်တဆမှုတစ်ခုမှာ ခန္ဓာကိုယ်အောက်ပိုင်းဆုံးရှုံးသွားပြီးနောက် အခြားသူတွေကို ဦးနှောက်လှိုင်းကတဆင့် ဆက်သွယ်ပေးတဲ့ “အာရွမ်”ဆိုတဲ့ ဇာတ်ကောင်အဖြစ် သရုပ်ဆောင်ထားပါတယ်။ အာရွမ်ကို ဖန်တီးဖို့ CGI ကို အသုံးပြုမယ့်အစား ထုတ်လုပ်သူတွေက လူသားတွေနဲ့ပိုတူတဲ့ ဇာတ်ကောင်ကို ပေးစွမ်းချင်တာကြောင့် လီလီဆိုတဲ့ AI ကို အသုံးပြုဖို့ ရွေးချယ်ခဲ့တာပါ။
လီလီက တရုတ်မင်းသမီး အန်ဂျလာဘေဘီနဲ့ ရုပ်တူတဲ့အတွက် လူမှုကွန်ယက်ပေါ်မှာ လူပြောများနေပါတယ်။ “တကယ်လူကျနေတာပဲ”၊ “ကြက်သီးတောင်ထတယ်”၊ “သူ့ရဲ့မျက်တောင်အထူကြီးနဲ့ မျက်နှာအနေအထားက အန်ဂျလာဘေဘီလို့ထင်စေတယ်”လို့ လူမှုကွန်ယက်အသုံးပြုသူတွေက သုံးသပ်ချက်ပေးကြပါတယ်။
ဒရာမာမှာ လီလီပါဝင်မှုက အနာဂတ်ဒရာမာတွေမှာ AI တွေက တကယ့်သရုပ်ဆောင်တွေနေရာမှာ အစားထိုးလာနိုင်မလားဆိုတဲ့ ပြောဆိုချက်တွေရှိနေပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
