ဒေ၀ နဲ့ ပရမ်ဆမ်နန် လက်ဝှေ့ပွဲ သရေကျ
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ ဒေ၀ နဲ့ ပရမ်ဆမ်နန် လက်ဝှေ့ပွဲ သရေကျ ဆိုတဲ့သတင်းလေးပဲ ဖြစ်ပါတယ်။
ဒေ၀ နဲ့ ပရမ်ဆမ်နန် လက်ဝှေ့ပွဲ သရေကျ
လက်ဝှေ့ ချန်ပီယံခါးပတ် ၆ ကြိမ်တိုင် ဆွတ်ခူးထားပြီး မြန်မာနိုင်ငံကို ကိုယ်စားပြုကစားနေတဲ့ ကနေဒါနိုင်ငံသား ဒေ့ဗ် လက်ဒစ် ခေါ် ဒေ၀နဲ့ အရှေ့တောင်အာရှ လက်ဝှေ့ ချန်ပီယံ ပရန်ဆမ်နန်တို့ရဲ့ ယှဥ်ပြိုင်ထိုးသတ်ပွဲမှာ နှစ်ဖက် အလဲမထိုးနိုင်ပဲ သရေကျခဲ့ပါတယ်။
ကမ္ဘောဒီးယားနိုင်ငံ ဖနွမ်းပင်မြို့မှာ နို၀င်ဘာာ ၅ ရက် ညပိုင်းမှာ ထိုးသတ်တဲ့ပွဲမှာ ၉ မိနစ်တစ်ချီပဲကစားပြီး အမှတ်ပေးဆုံးဖြတ်ချက်မပါဘဲ ကစားခဲ့ကြတာပါ။
ဒေဝဟာ ကစားကွက်အသာနဲ့ ကစားနိုင်ခဲ့ပေမဲ့ ၉ မိနစ်အတွင်း အလဲထိုး အနိုင်မယူနိုင်တဲ့အတွက် သရေကျသွားပါတယ်။
ဒေဝရဲ့ လက်သီးချက်တွေ၊ ခြေကန်ချက်တွေကြောင့် ပရမ်ဆန်နန်ဟာ ကြမ်းပြင်ထက် ၃ ကြိမ်လောက် လဲကျသွားခဲ့သလို မျက်နှာမှာလည်း ဒဏ်ရာတွေနဲ့ ဖူးရောင်သွားခဲ့ပါတယ်။
ပွဲမကျင်းပခင် တစ်ရက်အလိုတုန်းကတော့ ဒေ၀က သူ့ရဲ့ နောက်ဆုံးပွဲမှာ ခါးပတ်လိုချင်တာကြောင့် ရေကုန်ရေခန်း ကြိုးစားသွားမယ်၊ တကယ်လို့ သရေကျခဲ့ပြီး ပွဲမှာ သူက လွှမ်းမိုးကစားနိုင်ခဲ့ရင်လည်း ကျေနပ်ပါတယ်လို့ ဒီပွဲမတိုင်ခင်က ဘီဘီစီ သီးသန့် မေးမြန်းခန်းမှာ ပြောခဲ့ပါတယ်။
ရေးသားသူ –BBC Burmese
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
