ဂျပန်နိုင်ငံသမိုင်းမှာ ပထမဆုံးအကြိမ်အဖြစ် အမျိုးသမီးတစ်ဦးကို လေကြောင်းလိုင်းဥက္ကဋ္ဌအဖြစ် တင်မြှောက်
ဂျပန်လေကြောင်းလိုင်းဟာ သူတို့ရဲ့လေယာဉ်မယ်ဟောင်းတစ်ဦးကို ကုမ္ပဏီဥက္ကဋ္ဌအဖြစ် တင်မြှောက်ခဲ့ပါတယ်။ ဒါဟာ ဂျပန်နိုင်ငံသမိုင်းတစ်လျှောက် အမျိုးသမီးတစ်ဦးကို လေကြောင်းလိုင်းဥက္ကဋ္ဌအဖြစ် ပထမဆုံးအကြိမ် တင်မြှောက်မှု ဖြစ်ပါတယ်။
မစ်ဆုကို တော့တိုရီဟာ ၁၉၈၅ ခုနှစ်က ဂျပန်လေကြောင်းလိုင်းမှာ စတင်တာဝန်ထမ်းဆောင်ခဲ့တာဖြစ်ပြီး ၂၀၀၅ ခုနှစ်မှာတော့ လေယာဉ်မောင်/မယ်ဌာနကို ဦးစီးခွင့်ရခဲ့ပါတယ်။ သူဟာ ဂျပန်လေကြောင်းလိုင်းရဲ့ ဒုတိယဥက္ကဋ္ဌ၊ ဒါရိုက်တာအဖြစ် တာဝန်ယူထားရာကနေ ဥက္ကဋ္ဌအဖြစ် တင်မြှောက်ခံရတာဖြစ်ပြီး လာမယ့်ဧပြီလမှာ ဥက္ကဋ္ဌအဖြစ် တာဝန်ယူ ဆောင်ရွက်သွားမှာပါ။
ဒါဟာ အာရှအရှေ့ပိုင်းဒေသ ကျား၊ မ တန်းတူညီမျှမှု အရှိဆုံးနိုင်ငံများစာရင်းမှာ အောက်ဆုံးနေရာ ရပ်တည်နေတဲ့ ဂျပန်နိုင်ငံအတွက် ကျား၊ မ တန်းတူညီမျှရေး မျှော်လင့်ချက်လမ်းစတစ်ခု ဖြစ်လာမယ်လို့ ယူဆထားကြပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
