အရှေ့တောင်အာရှမှာ စင်ကာပူတစ်နိုင်ငံတည်းပဲ ဖျော်ဖြေပွဲလုပ်ဖို့ တေလာဆွဇ်နဲ့ စင်ကာပူအစိုးရ သဘောတူညီမှု ရယူ
ကမ္ဘာလှည့်ဖျော်ဖြေပွဲအနေနဲ့ အရှေ့တောင်အာရှဒေသကို လာတဲ့အခါ စင်ကာပူတစ်နိုင်ငံတည်းမှာပဲ ဖျော်ဖြေပွဲလုပ်ဖို့ တေလာဆွဇ်နဲ့ သဘောတူညီမှု ရယူနိုင်ခဲ့ပြီး ဒီလုပ်ရပ်က အိမ်နီးချင်းနိုင်ငံတွေအပေါ် နိုင်ထက်စီးနင်း ရန်လိုတာမျိုးမဟုတ်ဘူးလို့ စင်ကာပူဝန်ကြီးချုပ် လီရှန်လွန်းက ပြောပါတယ်။ ဒေသတွင်း ထိပ်သီးအစည်းအဝေးအဖြစ် သြစတြေးလျနိုင်ငံ မဲလ်ဘုန်းမြို့ စာနယ်ဇင်းရှင်းလင်းပွဲမှာ လီရှန်လွန်းက ပြောခဲ့တာပါ။
တေလာဆွဇ်ဟာ The Eras Tour တစ်စိတ်တစ်ပိုင်းအဖြစ် စင်ကာပူနိုင်ငံမှာ ဂီတဖျော်ဖြေပွဲ ၆ ပွဲလုပ်မှာဖြစ်ပြီး ပရိသတ် ၃ သိန်းအထိ လာရောက်အားပေးခဲ့ကြပါတယ်။ သူ့ရဲ့ဖျော်ဖြေပွဲတွေမှာ ထိုင်း၊ အင်ဒိုနီးရှား၊ ဖိလစ်ပိုင်နိုင်ငံမှ ပရိသတ်တွေလည်း လာရောက်အားပေးခဲ့ပါတယ်။ စင်ကာပူအစိုးရဟာ တေလာဆွဇ်ကို သူတို့နိုင်ငံမှာပဲ ဖျော်ဖြေဖို့အတွက် ဒေါ်လာ ၂ သန်းကနေ ဒေါ်လာ ၃ သန်းကြားပေးဖို့ သဘောတူညီခဲ့တယ်လို့ သတင်းတွေက ဖော်ပြပါတယ်။
” အရှေ့တောင်အာရှမှာ စင်ကာပူတစ်နိုင်ငံတည်းမှာပဲ ဖျော်ဖြေပွဲလုပ်ဖို့ ကျွန်တော်တို့အေဂျင်စီတွေက တေလာဆွဇ်နဲ့ သဘောတူညီမှု ယူနိုင်ခဲ့တယ်။ တကယ့်ကို အောင်မြင်မှုတစ်ခုပါပဲ။ ဒါက အိမ်နီးချင်းကောင်းမဆန်တဲ့ လုပ်ရပ်လို့ မထင်ပါဘူး”လို့ လီရှန်လွန်းက ပြောပါတယ်။ ဒါပေမဲ့ ထိုင်းဝန်ကြီးချုပ်နဲ့ ဖိလစ်ပိုင်လွှတ်တော်အမတ်တွေကတော့ စင်ကာပူနိုင်ငံရဲ့လုပ်ရပ်ကို ဝေဖန်ခဲ့ပြီး အိမ်နီးချင်းကောင်းဆိုရင် ဒါမျိုးမလုပ်ဘူးလို့ ဆိုပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
