စစ်ကောင်စီဟာနိုင်ငံတော်ကို ကိုယ်စားမပြုဘူးလို့ CRPH ဒေါ်ဇင်မာအောင် ဒဲ့ပြောပြီ

မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ စစ်ကောင်စီဟာနိုင်ငံတော်ကို ကိုယ်စားမပြုဘူးလို့ CRPH ဒေါ်ဇင်မာအောင် ဒဲ့ပြောပြီ ဆိုတဲ့သတင်းလေးပဲ ဖြစ်ပါတယ်။

“CRPH ဒေါ်ဇင်မာအောင်၏ ဒီနေ့စကား”

အာဏာရှင်တွေဟာ သူတို့ကိုယ် သူတို့ ( နိုင်ငံတော် ) လို့ ထင်နေတာ က စ ပြီး လွဲတာပဲ။

နိုင်ငံတော် ရဲ့ မူလ အချုပ်အခြာအာဏာပိုင်ရှင် ဖြစ်တဲ့ ပြည်သူကိုလည်း အတွေး အခေါ်အမှား နဲ့ တွေဝေအောင် အင်အားချည့်နဲ့အောင် လုပ်ပြီး သူတို့ လိုသလို အာဏာကျင့်သုံးဖို့ အာဏာရူးဖို့ – နိုင်ငံတော် ဆိုတာကို အလွဲသုံးစား လုပ်ကြပါတယ်။

နိုင်ငံတော် ဆိုသည်မှာ ( နယ်နိမိတ် ၊ ပြည်သူ ၊ အစိုးရ ၊ အချုပ်အခြာအဏာ ) အနည်းဆုံး ဒီ(၄) ခု စုံ မှ ကမ္ဘာမြေပုံပေါ်မှာ အချုပ်အခြာပိုင် နိုင်ငံတော် ဆိုတာ ဖြစ်ရပါတယ်။

အခု စစ်ကောင်စီ က – အစိုးရ ဖြစ်ချင်လို့ ပြည်သူ့အချုပ်အခြာအာဏာကို ဓါးပြ တိုက်ထား တဲ့ ဓါးပြသာသာ ရှိတဲ့ အာဏာရူးတွေ ဖြစ်တဲ့ အတွက် မင်းအောင်လှိုင် ဦးဆောင်တဲ့ စစ်ကောင်စီဟာ –

နိုင်ငံတော်ကိုယ်စားမပြုပါဘူး ။ ဒါကြောင့် စစ်ကောင်စီကို ပုန်ကန်ခြားနားခြင်းဟာ လည်း နိုင်ငံတော်ကို ပုန်ကန်ခြားနားခြင်းမဟုတ် ၊ နိုင်ငံတော်ကို ဆန့်ကျင်ခြင်း မဟုတ်ကြောင်း သိစေလိုပါတယ် ။