ဒေါ်လာ ၁၅ သန်း တန်ဖိုးရှိတဲ့ ကမ္ဘာ့ဈေးအကြီးဆုံးကားနံပါတ်ပြား
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ ဒေါ်လာ ၁၅ သန်း တန်ဖိုးရှိတဲ့ ကမ္ဘာ့ဈေးအကြီးဆုံးကားနံပါတ်ပြား ဆိုတဲ့သတင်းလေးပဲ ဖြစ်ပါတယ်။
ဒေါ်လာ ၁၅ သန်း တန်ဖိုးရှိတဲ့ ကမ္ဘာ့ဈေးအကြီးဆုံးကားနံပါတ်ပြား
ဒူဘိုင်းက “P 7″ ကားနံပါတ်ပြားကို ဒေါ်လာ ၁၅ သန်း ( ယူအေအီးဒါဟမ် ၅၅ သန်း) နဲ့ ရောင်းချနိုင်ခဲ့ပြီးတဲ့နောက်မှာ ကမ္ဘာ့ဈေးအကြီးဆုံးကားနံပါတ်ပြားအဖြစ် စံချိန်သစ်တင်ခဲ့ပါတယ်။ ဒီနံပါတ်ပြားကို ဒူဘိုင်းမှာ ပြုလုပ်တဲ့ ‘Most Noble Numbers” လေလံပွဲမှာ ရောင်းချနိုင်ခဲ့တာပါ။ လွန်ခဲ့တဲ့ ၁၆ နှစ်က အဘူဒါဘီမြို့မှာ ဒေါ်လာ ၁၄ သန်းကျော် (ယူအေအီးဒါဟမ် ၅၂. ၅ သန်း)နဲ့ စံချိန်ချိုးခဲ့တဲ့ နံပါတ်ပြားကို ကျော်ပြီး စံချိန်တင်ခဲ့တာပါ။
လေလံပွဲမှာ ဒီနံပါတ်ပြားအတွက် ဧည့်သည်တော်တွေအများကြီးကြား အပြိုင်အဆိုင်လေလံဆွဲခဲ့ကြတာပါ။ လေလံဈေး ၄ သန်း (ယူအေအီးဒါဟမ် ၁၅ သန်း) ကျော်နဲ့ စတင်ရောင်းချခဲ့ရာ စက္ကန့်ပိုင်းအတွင်း ၈ သန်းကျော်အထိ မြင့်တက်သွားခဲ့ပါတယ်။ Telegram တည်ထောင်သူ ပြင်သစ်-အီမီရတီစီးပွားရေးသမား ပါဗယ် ဒူရဗ် ကလည်း ဒေါ်လာ ၉ သန်းကျော်နဲ့ လေလံဆွဲခဲ့ပါသေးတယ်။ ဒါပေမဲ့ အမည်မဖော်လိုသူတစ်ဦးက ဒေါ်လာ ၁၅ သန်းနဲ့ နောက်ဆုံးလေလံအောင်သွားခဲ့တာပါ။
ထူးခြားတဲ့ကားနံပါတ်ပြားနဲ့ ဖုန်းနံပါတ်တွေ ရောင်းချတဲ့ “The Most Noble Numbers” ပရဟိတလေလံပွဲကို “1 Billion Meals Endowment” ကမ်ပိန်းကို ထောက်ပံ့ဖို့အတွက် ဧပြီ ၈ ရက်နေ့က ဒူဘိုင်းမှာ ကျင်းပခဲ့တာပါ။ ဒူဘိုင်းအုပ်ချုပ်သူလည်းဖြစ်တဲ့၊ ယူအေအီးဒုသမ္မတ၊ ဝန်ကြီးချုပ်လည်းဖြစ်တဲ့ မိုဟာမက် ဘင်ရာရှိ အယ်မာတုမ်က အကြီးဆုံးရာမဒန်စားနပ်ရိက္ခာထောက်ပံ့ရေးရန်ပုံငွေထူထောင်ဖို့ “1 Billion Meals Endowment” ကမ်ပိန်းလုပ်ခဲ့တာပါ။ ဒီလေလံပွဲမှာ ဒေါ်လာ ၆ သိန်းကျော် (ယူအေအီးဒါဟမ် ၂.၃ သန်း) နဲ့ ရောင်းချနိုင်ခဲ့တဲ့ တန်ဖိုးမြင့်ဖုန်းနံပါတ်က 971548888888 ပါ။
ရေးသားသူ – Yoyarlay
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
