စိတ်တွက်နည်းနဲ့ အလျင်မြန်ဆုံးဂဏန်းပေါင်းပြနိုင်ခဲ့လို့ ကမ္ဘာ့ဂင်းနက်စ်စံချိန်ချိုးခဲ့တဲ့ ၈ တန်းကျောင်းသား
နာရှစ်ခ်မြို့၊ Delhi Public School က ၈ တန်းကျောင်းသားလေး အာရန် ရှုခလာဟာ five-digit numbers အလုံး၅၀ ကို စိတ်နဲ့ အမြန်ဆုံးပေါင်းပြနိုင်ခဲ့တဲ့အတွက် ကမ္ဘာ့ဂင်းနက်စ်စံချိန်တင်ခဲ့ပါတယ်။ ၂၀၂၄ ခုနှစ် ဖေဖော်ဝါရီ ၂၉ ရက်နေ့က မီလန်ရှိ Lo Show Dei Record အီတလီတီဗီရှိုးမှာ ၂၅.၁၉ စက္ကန့်အတွင်း စိတ်နဲ့ ပေါင်းပြပြီး စံချိန်တင်ခဲ့တာဖြစ်တယ်လို့ အာရန်ရဲ့ ကျောင်းရဲ့အင်စတာဂရမ်မှာ ဖော်ပြထားပါတယ်။
အာရန်က Global Mental Calculators Association (GMCA) ရဲ့တည်ထောင်သူဘုတ်အဖွဲ့ဝင်တွေထဲမှာ ပါဝင်ပါတယ်။ အာရန်က အသက် ၆ နှစ်ကတည်းက စိတ်နဲ့ သင်္ချာတွက်ချက်နည်းကို လေ့ကျင့်ခဲ့ပြီး အသက် ၁၂ နှစ်မှာတော့ ဂျာမနီနိုင်ငံမှာ Mental Calculation World Cup ဆုကို ရရှိခဲ့ပါတယ်။ အရင်ကလည်း နိုင်ငံတကာဆုတံဆိပ်များစွာ ရရှိခဲ့ဖူးပြီး ကမ္ဘာ့စံချိန်မျိုးစုံကိုလည်း ချိုးနိုင်ခဲ့ပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
