အဆိုတော်မင်းသမီး အိုင်ယူရဲ့ ရက်ရက်ရောရောမွေးနေ့အလှူ
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ အဆိုတော်မင်းသမီး အိုင်ယူရဲ့ ရက်ရက်ရောရောမွေးနေ့အလှူ ဆိုတဲ့သတင်းလေးပဲ ဖြစ်ပါတယ်။
အဆိုတော်မင်းသမီး အိုင်ယူရဲ့ ရက်ရက်ရောရောမွေးနေ့အလှူ
တောင်ကိုရီးယားရဲ့နာမည်ကြီးအဆိုတော်မင်းသမီး အိုင်ယူက မေလ ၁၆ ရက်နေ့မှာ ကျရောက်ခဲ့တဲ့ သူ့ရဲ့မွေးနေ့ကို အဓိပ္ပာယ်ရှိရှိ ဆင်နွှဲခဲ့ပါတယ်။ သူဟာ မွေးနေ့အလှူအဖြစ် The Happiness Foundation၊ Heart to Heart Foundation၊ Korean Unwed Mothers Families Association (KUMFA) နဲ့ Korean Foundation for Support of the Senior Citizen in need (KFSSC) အစရှိတဲ့ အဖွဲ့အစည်း ၄ ခုကို ဒေါ်လာ ၁၈၆၈၀၀ (ဝမ် သန်း ၂၅၀) လှူဒါန်းခဲ့တာပါ။ အိုင်ယူနဲ့ သူ့ရဲ့Fan Club UAENA တို့ ပေါင်းပြီးတော့ IUAENA နာမည်နဲ့ လှူဒါန်းခဲ့တာပါ။
အိုင်ယူက အလှူမှတ်တမ်းလွှာတွေကို တွစ်တာအကောင့်မှာ တင်ခဲ့ပြီး “UAENA ဆီက သင်ယူခဲ့ရတဲ့အရာတွေ၊ UAENA ကတဆင့် ခံစားခဲ့ရတဲ့အရာတွေ၊ UAENA ဆီက ရရှိခဲ့တဲ့အရာတွေက အိုင်ယူ ရှေ့ဆက်သွားဖို့၊ ကြင်နာတရားထားတတ်ဖို့အမြဲလေ့ကျင့်ပေးတဲ့အရာတွေဖြစ်မှာပါ။ မင်းတို့ကို ချစ်တယ်။ ဒီနေ့အတွက်လည်း အရမ်းကျေးဇူးတင်တယ်”လို့လည်း ရေးသားခဲ့ပါတယ်။
ကိုရီးယားနိုင်ငံရဲ့ကလေးများနေ့ မေလ ၅ ရက်နေ့ကလည်း အိုင်ယူက ပီဇာနဲ့ အအေးတွေအပြင် သူ့အမေနဲ့အတူ ပြင်ဆင်ခဲ့တဲ့ တော့ပုကီတွေကိုလည်း Milal School (မသန်စွမ်းကလေးတွေအတွက် အထူးကျောင်း) က ကျောင်းသူ/သားတွေနဲ့ဆရာ/ဆရာမတွေကို လက်ဆောင်ပေးခဲ့ပါသေးတယ်။ ဒါတင်မကသေးပါဘူး။ ၂၀၁၅ ခုနှစ်ကတည်းက သူ နှစ်စဉ်လှူဒါန်းလာခဲ့တဲ့ ChildFund Korea ဖောင်းဒေးရှင်းကိုလည်း ဒေါ်လာ ၇၄၇၀၀ (ဝမ် သန်း ၁၀၀) လှူဒါန်းခဲ့ပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
