အမေဇုန်တောနက်အတွင်း ကလေး ၄ ဦးကို ကယ်တင်ရာမှာ ကူညီပေးခဲ့တဲ့ ကယ်ဆယ်ရေးခွေးလေး ပျောက်ဆုံးနေ
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ အမေဇုန်တောနက်အတွင်း ကလေး ၄ ဦးကို ကယ်တင်ရာမှာ ကူညီပေးခဲ့တဲ့ ကယ်ဆယ်ရေးခွေးလေး ပျောက်ဆုံးနေ ဆိုတဲ့သတင်းလေးပဲ ဖြစ်ပါတယ်။
အမေဇုန်တောနက်အတွင်း ကလေး ၄ ဦးကို ကယ်တင်ရာမှာ ကူညီပေးခဲ့တဲ့ ကယ်ဆယ်ရေးခွေးလေး ပျောက်ဆုံးနေ
မေလ ၁ ရက်နေ့က အင်ဂျင်ချွတ်ယွင်းမှုကြောင့် အမေဇုန်တောနက်ထဲ ကိုလံဘီယာလေယာဉ်ပျက်ကျပြီးနောက် ၁ လကျော်အကြာမှာ လသားအရွယ်ကလေးအပါအဝင် ကလေး (၄) ဦးကို ကယ်တင်နိုင်ခဲ့တဲ့သတင်းကို လူတိုင်းသိကြမှာပါ။ အဲဒီကလေး ၄ ဦးဟာ ဘေးကင်းလုံခြုံနေပြီး ဘိုဂိုတာမြို့က စစ်ဆေးရုံမှာ ကုသမှုခံယူနေပါတယ်။ ဒါပေမဲ့ သူတို့ကို ကယ်တင်ရာမှာ ကူညီပေးခဲ့တဲ့ ၆ နှစ်သား ခွေးလေး ဝီလ်ဆန် ပျောက်ဆုံးနေပါတယ်။
တောနက်ထဲ ပျောက်ဆုံးနေတဲ့ ဝီလ်ဆန်ကို ပြန်ရှာတွေ့ဖို့အတွက် ကိုလံဘီယာမြို့ခံတွေက မျှော်လင့်နေပါတယ်။ ဝီလ်ဆန်ကို ဟီးရိုးအဖြစ် သတ်မှတ်ထားကြပြီး သူ့ရဲ့ပျောက်ဆုံးတဲ့သတင်းက ကမ္ဘာတစ်ဝှမ်းမှာ ပျံ့နှံ့နေပါပြီ။ ဝီလ်ဆန်က တောနက်ထဲ လမ်းပျောက်နေတဲ့ ကလေးတွေဆီ ကယ်ဆယ်တဲ့သူတွေကို လမ်းပြပေးခဲ့တာပါ။ ခွေးလေးက လသားအရွယ်ကလေးရဲ့နို့ဗူးကို အရင်ဆုံးရှာတွေ့ခဲ့ပြီး ကယ်ဆယ်ရှာဖွေရေးအဖွဲ့အတွက် လမ်းကြောင်းတွေကို ချန်ထားခဲ့တာပါ။
စစ်တပ်ရဲ့အနံ့ခံခွေးဖြစ်တဲ့ ဝီလ်ဆန်က ဘယ်လ်ဂျီယံသိုးထိန်းခွေးမျိုးစိတ်ဖြစ်ပြိး ဒီလိုခွေးတွေက ကြိုးစားပြီး သူ့ကို ထိန်းကျောင်းတဲ့သူတွေအပေါ်တစ်သက်တာသံယောဇဉ်ကြိုးတွေနှောင်ဖွဲ့လာတတ်တဲ့ခွေးအဖြစ် လူသိများပါတယ်။
အခုထိ ဝီလ်ဆန်ကို ခြေခံရာလို့မရသေးပါဘူး။ ရှာဖွေရေးအဖွဲ့က သူ့ကို ဇွန်လ ၁၀ ရက်နေ့က အမှတ်မထင်တွေ့ခဲ့တယ်။ အဲဒါကို ကြည့်ခြင်းဖြင့် ဝီလ်ဆန်က အသက်ရှင်နေတုန်းပါပဲ။ ကိုလံဘီယာရှာဖွေရေးအဖွဲ့ကတော့ ဝီလ်ဆန်ကို ရှာတွေ့တဲ့အထိ ဆက်ပြီးရှာဖွေသွားမှာပါ။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
