အိမ်ကွင်းမှာ တဖက်သတ်ဖြစ်ခဲ့ပြီး ဂိုးပြတ်ရှုံးခဲ့တဲ့ မန်ယူနိုက်တက်
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ အိမ်ကွင်းမှာ တဖက်သတ်ဖြစ်ခဲ့ပြီး ဂိုးပြတ်ရှုံးခဲ့တဲ့ မန်ယူနိုက်တက် ဆိုတဲ့သတင်းလေးပဲ ဖြစ်ပါတယ်။
အိမ်ကွင်းမှာ တဖက်သတ်ဖြစ်ခဲ့ပြီး ဂိုးပြတ်ရှုံးခဲ့တဲ့ မန်ယူနိုက်တက်
မန်ယူနိုက်တက် ဝ-၃ မန်စီးတီး
အိမ်ကွင်းပွဲစဉ်၊ အခါးသီးဆုံး မြို့ခံပြိုင်ဘက် (၂)သင်း တွေ့တဲ့ပွဲစဉ် ဖြစ်ပေမဲ့ မန်ယူက မန်စီးတီးကို အဘက်ဘက်က မယှဉ်နိုင်ခဲ့ပါဘူး။ ပထမပိုင်းမှာ တွမ်မီနေးရဲ့ ကန်ချက်တွေနဲ့ မန်စီးတီးဂိုးပေါက်ကို ခြိမ်းခြောက်နိုင်ခဲ့ပေမဲ့ မန်စီးတီးကပဲ အဖွင့်ဂိုး ရခဲ့တာပါ။
အငြင်းပွားဖွယ် ပင်နယ်တီကနေ ဟာလန်းက အဖွင့်ဂိုး သွင်းခဲ့တာပါ။ မန်စီးတီးဟာ အိုးထရက်ဖို့ဒ်မှာ လာရောက်ကစားတဲ့ ပရီးမီးယားလိဂ် ပွဲစဉ် (၂၇)ပွဲအတွင်း ပထမဆုံးအကြိမ် ပင်နယ်တီ ရရှိမှုဖြစ်ပါတယ်။ ဒုတိယပိုင်းမှာ ဘာနာဒိုဆေးလ်ဗားရဲ့ ပေးပို့မှုကို ဟာလန်းက ခေါင်းတိုက်ပြီး ဒုတိယဂိုး ထပ်သွင်းခဲ့သလို ဖိုဒင်သွင်းတဲ့ဂိုးကိုလည်း ဟာလန်းကပဲ ဖန်တီးပေးခဲ့တာပါ။
မန်ယူရဲ့ ခံစစ်ဟာကွက်တွေကြောင့် မန်စီးတီးဟာ အပိုင်အခွင့်အရေး ၇ ကြိမ်လောက် ရခဲ့ပြီး အိုနာနာ ကာကွယ်နိုင်တာ၊ မန်စီးတီး အဆုံးသတ်မသေချာတာတွေကြောင့်သာ ဒီထက်ပိုပြီး ဂိုးမပြတ်ခဲ့တာ ဖြစ်ပါတယ်။ ဟာလန်းကတော့ မန်ချက်စတာဒါဘီပွဲစဉ်(၃)ပွဲ ကစားပြီးချိန်မှာပဲ ဂိုးပါဝင်ပတ်သက်မှု (ဂိုး + ဂိုးဖန်တီးမှု) ၈ ကြိမ်အထိ လုပ်နိုင်ခဲ့ပြီး မန်ချက်စတာဒါဘီမှာ ဂိုးပါဝင်ပတ်သက်မှု အများဆုံး လုပ်ထားတဲ့ ရိုင်ယန်ဂစ် (၂၉ ပွဲကစား)ကို မီဖို့ ၅ ကြိမ်ပဲ လိုပါတော့တယ်။
ဟာလန်းဟာ ပရီးမီးယားလိဂ် အဝေးကွင်း ၂၃ ပွဲကစားပြီးချိန်မှာ အဝေးဂိုး ၂၀ အထိ သွင်းယူနိုင်ခဲ့တာဖြစ်ပြီး ဒါဟာ ပရီးမီးယားလိဂ် စံချိန်သစ်လည်း ဖြစ်ပါတယ်။
ရေးသားသူ –Yoyarlay Sports
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
