ကျန်းမာစေဖို့ မွေးမြူသင့်တဲ့ မနက်ခင်း အလေ့အထအချို့
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ ကျန်းမာစေဖို့ မွေးမြူသင့်တဲ့ မနက်ခင်း အလေ့အထအချို့ ဆိုတဲ့သတင်းလေးပဲ ဖြစ်ပါတယ်။
ကျန်းမာစေဖို့ မွေးမြူသင့်တဲ့ မနက်ခင်း အလေ့အထအချို့
ကျန်းမာခြင်းသည် လာဘ်ကြီးတစ်ပါးလို့ပြောကြပေမယ့် လူတော်တော်များများက တန်ဖိုးထားဖို့မေ့နေကြပါတယ်။ ကျန်းမာခြင်းရဲ့ တန်ဖိုးကို မကျန်းမာတော့မှနားလည်ကြတာပါ။ လူတစ်ယောက်ကျန်းမာပြီး ရောဂါကင်းနေဖို့က အခြားသူတွေလုပ်ပေးလို့မရပါဘူး ကိုယ်တိုင်လုပ်ယူရတာပါ။ နောက်တစ်ချက်က ကျန်းမာစေဖို့ ဆိုတဲ့နေရာမှာ အနေအထိုင်၊ အစားအသောက် နဲ့ နေ့စဉ်ပြုမူနေကျ အလေ့အထအားလုံးက သက်ရောက်နေတယ်ဆိုတာပါ။
အိပ်ရာစောစောထပါ
မနက်ခင်းစောစောမှာ လေထုက သန့်စင်လတ်ဆတ်နေသလို နေရောင်ခြည်နုနုလေးက စိတ်ရောကိုယ်ပါ ကျန်းမာစေနိုင်ပါတယ်။ ဒါကြောင့် စိတ်ဓာတ်ကျမှုကင်းပြီး ကျန်းမာနေစေဖို့အတွက် ဗီတာမင် D ပြည့်ဝစွာရရှိစေဖို့ မနက်ခင်းနေရောင်ခြည်နဲ့ အဆုတ်ကျန်းမာစေဖို့ မနက်ခင်း လေနုနုလေးကို ရှူရှိုက်ပါ။ ညဘက်ကို စောစောအိပ်လို့ မနက်ခင်းကို ၆ နာရီ နဲ့ ၆ နာရီခွဲကြားအိပ်ရာထပါ။
ရေတစ်ခွက် သောက်ပါ
အိပ်ရာကနိုးပြီဆိုတာနဲ့ ရေတစ်ခွက်ကို ကုန်အောင် အရင်သောက်လိုက်ပါ။ ဒါက အစာအိမ်အူလမ်းကြောင်း တလျှောက်က အညစ်အကြေးတွေကို အဆိပ်အတောက်တွေကို သန့်စင်ပေးနိုင်မယ့် အကောင်းဆုံး နည်းလမ်းပါ။ ဒီလိုလုပ်ပေးတာက ဝမ်းမှန်စေသလို ကိုယ်တွင်းက အဆိပ်အတောက်တွေကိုလည်း ဖယ်ရှားပေးပြီးသားဖြစ်ပါတယ်။
လေ့ကျင့်ခန်း လုပ်ပါ
ပြီးရင်တော့ အနည်းဆုံး ၁၅ မိနစ်လောက်တော့ ကိုယ်လက်လေ့ကျင့်ခန်း လုပ်ပါ။ အကြောလျှော့တာ ဖြစ်ဖြစ်၊ သွေးပူလေ့ကျင့်ခန်း ဖြစ်ဖြစ်ပေါ့။ လမ်းလျှောက်ပေးလို့လည်းရပါတယ်။ ဒါက ကိုယ်တွင်းမှာ သွေးလည်ပတ်မှုကောင်းစေပြီး အဆုတ်ထဲက ချွဲသလိပ်တွေကို အထိရောက်ဆုံးဖယ်ရှားပေးဖို့လည်း အထောက်အပံ့ပေးနိုင်ပါတယ်။
တရားထိုင်ပါ
မနက်နေရောင်ခြည်နွေးနွေးလေးမှာ တရားထိုင်ပေးပါ။ အသက်ကို ပုံမှန်ရှုပေးပါ။ ဒီလိုလုပ်ပေးတာက တစ်နေ့တာကို စိတ်ဖိစီးမှုကင်းကင်းနဲ့ အကောင်းဆုံး ကျော်ဖြတ်နိုင်မှာပါ။
ရေနွေးတစ်ခွက် သောက်ပါ
လေ့ကျင့်ခန်းလုပ်ပြီးတဲ့အချိန်မှာ ချွေးတွေနဲ့အတူ ကိုယ်တွင်းကအဆိပ်အတောက်တွေကိုဖယ်ရှားဖို့အတွက်ရော ခန္ဓာကိုယ်မှာ သွေးလည်ပတ်မှုကောင်းစေဖို့အတွက်ပါ ရေနွေးနွေးလေးတစ်ခွက်လောက်သောက်ပေးပါ။ ဒီလိုလုပ်ပေးတာက ကိုယ်တွင်း အဆီကျစေဖို့ပါ အကောင်းဆုံးထောက်ပံ့ပေးနိုင်မှာပါ။
တစ်ကိုယ်ရေသန့်ရှင်းရေး လုပ်ပါ
ပြီးရင်တော့ မျက်နှာသစ်၊ သွားတိုက်တာဖြစ်ဖြစ်၊ ရေချိုးတာဖြစ်ဖြစ်လုပ်ပေးပါ။ ဒါက ခန္ဓာကိုယ် ကျန်းမာရေးအတွက်ရော စိတ်ကျန်းမာရေးကိုပါ အကောင်းဆုံးအားဖြည့်ပေးနိုင်မှာပါ။
မနက်စာ စားပါ
အလုပ်အရမ်းများနေရင်တောင်မှ မနက်စာကို အလွတ်မခံပါနဲ့။ မနက်စာက တစ်နေ့တာလုံးမှာ အင်အားပြည့်ဝနေစေဖို့ရော ကျန်းမာရေးအတွက်ပါ အရေးကြီးတဲ့ အစားအစားပါ။ ဒါကြောင့် အလုပ်များနေရင်တောင် မနက်စာကို အာဟာရပြည့်ဝတဲ့ အစားအစာတစ်ခုခု စားဖြစ်အောင်စားပါ။
လမ်းလျှောက်ပါ
အလုပ်က သိပ်မဝေးဘူးဆိုရင် လမ်းလျှောက် သွားပါ။ ဒါက ကိုယ်လက်လှုပ်ရှားမှုတစ်ရပ် ဖြစ်သလို သဘာဝပတ်ဝန်းကျင်ကို ထိတွေ့နိုင်မယ့် အခွင့်အရေးလည်းဖြစ်ပါတယ်။ ဒါကြောင့် မှတ်တိုင်ကနေ ရုံးကို လမ်းလျှောက်တာမျိုးဖြစ်ဖြစ်၊ ကိုယ်ပိုင်ကားနဲ့ဆိုလည်း ကားကို ရုံးနဲ့ နည်းနည်းလောက်အကွာမှာရပ်ပြီး လမ်းလျှောက်သွားတာမျိုးဖြစ်ဖြစ်လုပ်ပါ။
မနက်ခင်းတိုင်းကို ဒီလိုအလေ့အထလေးတွေလုပ်ပေးတာက စိတ်ရောကိုယ်ပါ ကျန်းမာစေပြီး နေ့စဉ်ဘဝမှာ အမြဲတက်ကြွလန်းဆန်းနေစေမှာပါ။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
