သွား ၃၈ ချောင်းရှိတဲ့ အိန္ဒိယအမျိုးသမီးက ကမ္ဘာ့ဂင်းနက်စ်စံချိန်ချိုး
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ သွား ၃၈ ချောင်းရှိတဲ့ အိန္ဒိယအမျိုးသမီးက ကမ္ဘာ့ဂင်းနက်စ်စံချိန်ချိုး ဆိုတဲ့သတင်းလေးပဲ ဖြစ်ပါတယ်။
သွား ၃၈ ချောင်းရှိတဲ့ အိန္ဒိယအမျိုးသမီးက ကမ္ဘာ့ဂင်းနက်စ်စံချိန်ချိုး
သွား ၃၈ ချောင်းရှိတဲ့ အသက် ၂၆ နှစ်အရွယ် အိန္ဒိယအမျိုးသမီး ခါလ်ပနာ ဘာလန်ဆိုသူက သွားအရေအတွက်အများဆုံးအမျိုးသမီးဆိုတဲ့ ကမ္ဘာ့ဂင်းနက်စ်စံချိန်ကို ချိုးခဲ့ပါတယ်။ ပုံမှန်အရွယ်ရောက်ပြီးသူတွေမှာ သွား ၃၂ ချောင်းပဲရှိတာပါ။ သူက ၆ ချောင်းတောင် ပိုပါနေတဲ့အတွက် အခုလို စံချိန်ချိုးခဲ့တာပါ။
ကလေးတစ်ယောက်မိခင် ခါလ်ပနာက အောက်မေးရိုးမှာ သွား ၄ ချောင်းနဲ့ အပေါ်မေးရိုးမှာ သွား ၂ ချောင်းပိုပါနေတာဖြစ်တယ်လို့ ကမ္ဘာ့ဂင်းနက်စ်စံချိန်က ဆိုပါတယ်။ သူ ဆယ်ကျော်သက်အရွယ်မှာ သူ့ရဲ့အပိုပါတဲ့သွားတွေ တစ်ချောင်းချင်း တစ်စတစ်စကြီးထွားလာတာကို တွေ့ကြုံခံစားခဲ့ရတာပါ။ နာကျင်တာမရှိပေမဲ့ အစားအစာတွေ ပိုနေတဲ့သွားကြားတွေမှာ ညှပ်နေတဲ့အတွက် အစာစားရာမှာ အခက်ခဲဖြစ်ပါတယ်။ သွားအပိုတွေရှိနေတာကို သူ့မိဘတွေသိတော့ သွားတွေနှုတ်ပစ်ဖို့ ပြောခဲ့ပါတယ်။
ဒါပေမဲ့ သွားဆရာဝန်တွေက သွားတွေကို အလွယ်တကူဖယ်ရှားလို့မရတာကြောင့် သွားတွေပိုထွက်လာတဲ့အထိ စောင့်ဖို့ ခါလ်ပနာကို အကြံပြုခဲ့ပါတယ်။ သွားတွေအပြည့်အဝပေါက်လာပြီးတဲ့နောက်မှာတော့ ခါလ်ပနာက သွားနှုတ်ရမှာ ကြောက်တဲ့အတွက် မနှုတ်တော့ဘဲ ဒီအတိုင်းထားဖို့ ဆုံးဖြတ်ခဲ့တာဖြစ်တယ်လို့ ကမ္ဘာ့ဂင်းနက်စ်စံချိန်မှတ်တမ်းအရ သိရပါတယ်။
ကမ္ဘာ့ဂင်းနက်စ်စံချိန်ချိုးပြီးတဲ့နောက်မှာ ခါလ်ပနာက အခုလိုပြောပါတယ်။ “ကမ္ဘာ့ဂင်းနက်စ်မှတ်တမ်းကို ရတဲ့အတွက် အရမ်းပျော်ရွှင်မိပါတယ်။ ဒါက ကျွန်မရဲ့ဘဝတစ်သက်တာအောင်မြင်မှုပါပဲ”တဲ့။ ခါလ်ပနာမှာ အပြည့်အဝမပေါက်သေးတဲ့ သွားအပို (၂) ချောင်းရှိသေးတဲ့အတွက် အနာဂတ်မှာ သူ့ရဲ့လက်ရှိစံချိန်ကို ထပ်ချိုးနိုင်ပါသေးတယ်။ ဒီစံချိန်မျိုးကို ကိုင်ဆောင်ထားတဲ့ အမျိုးသားကတော့ ကနေဒါနိုင်ငံက သွား ၄၁ ချောင်းရှိတဲ့ အီဗာနို မယ်လုန်းဆိုသူဖြစ်ပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
