စုတ်တံ ၁၀ ချောင်း တပြိုင်တည်းသုံးပြီး ပန်းချီဆွဲနိုင်တဲ့ ဘီလာရုစ်ပန်းချီဆရာ
ဘီလာရုစ် ပန်းချီဆရာ ဆာ့ဂျ်ဖီလင်ဂျာဟာ စုတ်တံ ၁၀ ချောင်းကို တပြိုင်တည်းအသုံးပြုပြီး ရေးဆွဲတဲ့နည်းစနစ်ကို ဖန်တီးခဲ့တာကြောင့် ကျော်ကြားသူပါ။ ဆာ့ဂျ်ဖီလင်ဂျာဟာ စုတ်တံ ၁၀ ချောင်းကို သူ့ရဲ့လက်ချောင်းတွေမှာ ချည်ပြီး တပြိုင်တည်း ရေးဆွဲတာ ဖြစ်ပါတယ်။
ပန်းချီ ဆွဲချိန်မှာ စုတ်တံ တစ်ချောင်းပြီးတစ်ချောင်း လဲလှယ်အသုံးပြုရတာကို ငြီးငွေ့လာပြီးနောက် ဆာ့ဂျ်ဖီလင်ဂျာက အခုလို ကြံဆခဲ့တာလို့ ဆိုပါတယ်။ စစချင်းသူ့ရဲ့ ညာဘက်လက်မှာ စုတ်တံ ၃ ချောင်းကို ချည်ပြီး အသုံးပြုရင်း ကျင့်သားရလာတော့မှ ဘယ်ဘက်လက်မှာ စုတ်တံ ၂ ချောင်း ထပ်ချည်ခဲ့တာပါ။ အဲဒီနောက်မှာတော့ သူက လက် ၁၀ ချောင်းလုံးမှာ စုတ်တံတွေ ချည်ခဲ့တာပါ။
အဲဒီနည်းစနစ်ဟာ စုတ်တံတစ်ချောင်းတည်း သုံးပြီး ရေးဆွဲရတာထက် စိန်ခေါ်မှုပိုများပြီး ဦးနှောက်ညာဘက်ခြမ်းကို ပိုအလုပ်လုပ်ခိုင်းရတယ်လို့ ဆာ့ဂျ်ဖီလင်ဂျာက ဆိုပါတယ်။ ဆာ့ဂျ်ဖီလင်ဂျာဟာ ပြီးခဲ့တဲ့နှစ်ပိုင်းအတွင်း ဂျာမနီ၊ အီတလီနဲ့ ပိုလန်နိုင်ငံတွေမှာ ပြပွဲတွေ ပြသခဲ့ပြီး အမေရိကန်နိုင်ငံအထိ ပျံ့နှံ့အောင် လုပ်နိုင်ခဲ့သူပါ။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
