ဘာသာစကားပေါင်း ၁၄၀ နဲ့ သီချင်းဆိုပြနိုင်လို့ ကမ္ဘာ့ဂင်းနက်စ်စံချိန်တင်ခဲ့တဲ့ ဆယ်ကျော်သက်ကောင်မလေး
အိန္ဒိယနိုင်ငံ၊ ကယ်ရာလာပြည်နယ်က ဆယ်ကျော်သက်ကောင်မလေးဟာ နိုဝင်ဘာ ၂၄ ရက်နေ့က ဒူဘိုင်းမှာ ကျင်းပပြုလုပ်ခဲ့တဲ့ ရာသီဥတုပြောင်းလဲခြင်းဆိုင်ရာ ဖျော်ဖြေပွဲအတွင်း သူ့ရဲ့သီချင်းဆိုစွမ်းရည်ကို ဘာသာစကားပေါင်း ၁၄၀ နဲ့ အံ့ဖွယ်ပြသနိုင်ခဲ့တဲ့အတွက် ကမ္ဘာ့ဂင်းနက်စ်စံချိန်တင်လိုက်ပါပြီ။
အဲ့ဒီကောင်မလေးက အသက် ၁၈ နှစ်အရွယ် ဆူချီသာ ဆာတစ်ချ်ဆိုသူဖြစ်ပြီး သူ့ရဲ့ဖျော်ဖြေတင်ဆက်မှုကို အင်စတာဂရမ်မှာ မျှဝေခဲ့ပြီး နားထောင်သူတွေကို ဆွဲဆောင်နိုင်ခဲ့ပါတယ်။ ၉ နာရီကြာ ဘာသာစကားပေါင်း ၁၄၀ နဲ့ သီချင်းသီဆိုပြနိုင်လို့ ကမ္ဘာ့ဂင်းနက်စ်စံချိန်သစ်တင်ခဲ့တယ်ဆိုတဲ့သတင်းကိုလည်း သူက မျှဝေခဲ့ပါသေးတယ်။
ဆာတစ်ချ်က ဒူဘိုင်းရှိ Indian Consulate Auditorium မှာ ရာသီဥတုပြောင်းလဲခြင်းနဲ့ပတ်သက်ပြီး အသိပညာပေးဖို့အတွက် ဘာသာစကား ၁၄၀ နဲ့ ဖျော်ဖြေတင်ဆက်ခြင်းဖြင့် စံချိန်ချိုးခဲ့တယ်။ ဒူဘိုင်းမှာ ကျင်းပတဲ့ COP 28 ထိပ်သီးအစည်းအဝေးကို တက်ရောက်ခဲ့တဲ့ နိုင်ငံပေါင်း ၁၄၀ ကို ကိုယ်စားပြုဖို့ ဘာသာစကားအရေအတွက် ၁၄၀ ကို ရွေးချယ်ခဲ့တာဖြစ်တယ်လို့ ကမ္ဘာ့ဂင်းနက်စ်စံချိန်မှတ်တမ်းက ဆိုပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
