အဆစ်မြစ် နာကျင် ကိုက်ခဲ့တာတွေကို ယူပစ်သလို ပျောက်ကင်းစေမဲ့ ခရမ်းသီးပြုတ်ရည်
အမျိုးသမီးပဲ ဖြစ်ဖြစ် အမျိုးသားပဲဖြစ်ဖြစ် အသက်အရွယ် ရလာတာနဲ့အမျှ အရိုးအဆစ်တွေ အားပျော့လာပြီး ဒူးနာလာသလို အဆစ်အမြစ်တွေ နာကျင်ကိုက်ခဲတတ်ပါတယ်။
အသက်အရွယ်ကြီးရင့်သူတွေ ဒူးနာလို့ မတ်တပ်ကြာကြာမရပ်နိုင်တာ မထိုင်နိုင်တာကို တွေ့ဖူးမြင်ဖူးကြမှာဖြစ်သလို ကိုယ်တိုင်ခံစားဖူးသူတွေလည်း စာဖတ်သူတွေထဲမှာ ရှိကြတာပါ။ဒူးနာတာ ဘယ်လောက်ဆိုးသလဲဆိုတာ နာဖူးမှသိပါလိမ့်မယ်။အသက်အရွယ် ရလာတာနဲ့အမျှ အရိုးအဆစ်တွေ အားပျော့လာပြီး အရွတ်ရဲ့ လုပ်ဆောင်ချက်ကိုလည်း ဟန်ချက်ညီညီ မထိန်းနိုင်တော့ပါဘူး။
ဒီနည်းလမ်းလေးက ခြေကျင်း၊ ဒူးခေါင်းနဲ့ အဆစ်အမြစ် နာကျင်တာတွေကို သက်သာစေမှာပါ။အပြင်ပိုင်းမှာ ရောင်တာ နာတာတွေကိုရော အတွင်းပိုင်းမှာ ရောင်တာ နာတာတွေကိုရော သက်သာစေပါတယ်။ခြေဆစ် ဒူးခေါင်းရိုး စတဲ့ နေရာတွေမှာ နာကျင်ကိုက်ခဲတဲ့အခါ ဒီနည်းလမ်းလေးကို သတိရလိုက်ပါ။
ဆေးနည်း
အိုးတစ်လုံးထဲမှာ ရေထည့်ပြီး ဆူအောင်တည်ပါ။ပြီးရင် ခရမ်းသီး အနေတော် တစ်လုံးကို ပါးပါးလှီးလိုက်ပြီး ရေဆူနေတဲ့ အိုးထဲ ထည့်လိုက်ပါ။ပြီးရင် ဆူနေတဲ့ ရေကို အေးအောင်ထားပါ။အဲဒီနောက် ရေကို ဆစ်ချပြီး ခရားတစ်လုံးထဲ ထည့်ကာ ရေခဲသေတ္တာထဲ ထည့်ပါ။
တစ်နေ့ကို ခရမ်းသီးပြုတ်ရေ မနက်တစ်ခွက် နေ့လည်တစ်ခွက် ညတစ်ခွက် စုစုပေါင်း ၃ ခွက်သောက်ပါ။ဒါက ခန္တာကိုယ် အတွင်းပိုင်း ကုသတဲ့ နည်းပါ။
ခန္တာကိုယ် အပြင်ပိုင်းဆိုရင်တော့ ခရမ်းသီးပြုတ်ရည်မှာ သံလွင်ဆီ အနည်းငယ်ရောပြီး နာကျင် ကိုက်ခဲတဲ့ နေရာကို လိမ်းပေးပါ။အဲဒီနောက် အဝတ်သန့်နဲ့ ပတ်ပြီး အိပ်ယာဝင်ပါ။
နေ့တိုင်း လုပ်ပေးပြီး ရက် ၂၀ ဆိုရင် သက်သာလာပါလိမ့်မယ်။
Credit-My Food Myanmar
ရေးသားသူ –sHWEU
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
