စူပါမားကတ်မှ ငုံးဥဝယ်ပြီး ငုံးသားဖောက်ခဲ့တဲ့ မိန်းကလေး
စူပါမားကတ်မှ ဝယ်လာတဲ့ ငုံးဥကို သားဖောက်ပြီး ငုံးလေးတစ်ကောင် မွေးခဲ့တဲ့ ကောင်မလေးဟာ အခုအခါမှာတော့ ငုံးအများအပြား ပိုင်ဆိုင်နေပြီ ဖြစ်ပါတယ်။ ဗြိတိန်နိုင်ငံမှာ နေထိုင်တဲ့ ၁၃ နှစ်အရွယ် မိန်းကလေးငယ် ဇာရာဆက်ကလစ်ဟာ စတိုးဆိုင်ကနေ ဝယ်လာတဲ့ ဘဲဥကို သားဖောက်ပြီး ဘဲမွေးတဲ့သူအကြောင်း အွန်လိုင်းမှာ ဖတ်မိရာကနေ သူ့ကိုလည်း သားဖောက်နိုင်မယ့် ဥတစ်မျိုးမျိုး ဝယ်ပေးဖို့ သူ့အမေကို ပူဆာခဲ့တာပါ။
သူ့အမေက စတိုးဆိုင်ခေါ်သွားတဲ့အခါ ငုံးဥနဲ့ ကြက်ဥ ၂ မျိုးရှိတဲ့အနက် ဇာရာက ငုံးဥဝယ်ပြီး ငုံးဖောက်ကြည့်ဖို့ ရွေးချယ်ခဲ့ပါတယ်။ သီတင်းပတ် ၃ ပတ်ကြာ အနွေးဓာတ်ပေးပြီးနောက် ငုံးလေးတစ်ကောင် စတင်သားပေါက်ခဲ့ပါတယ်။ ဇာရာက ငုံးလေးကို အရိပ်တကြည့်ကြည့် စောင့်ရှောက်ခဲ့ပြီး သူ့အခန်းထဲ ခေါ်ထားခဲ့တာပါ။ တဖြည်းဖြည်းနဲ့ အဲဒီငုံးလေး အရွယ်ရောက်လာပြီးနောက်မှာတော့ ဇာရာရဲ့ မိသားစုက ငုံးလေးကိုလည်း တစ်ကောင်တည်း အထီးကျန်မနေစေဘဲ အပေါင်းအဖော်တွေနဲ့ နေနိုင်အောင် ငုံးမ ၆ ကောင် ထပ်ဝယ်ခဲ့တာပါ။
ဇာရာတို့ မိသားစုဟာ တိရစ္ဆာန်မွေးမြူရတာ ဝါသနာထုံသူတွေ ဖြစ်ပြီး ခွေးတစ်ကောင်၊ ကြောင် ၃ ကောင်၊ လိပ် ၂ ကောင်လည်း မွေးမြူထားကြပါသေးတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
