သူ့ဝန်ထမ်းတွေဆီက အန်ပေါင်း လက်ခံခဲ့လို့ ဝေဖန်ခံခဲ့ရတဲ့ မင်းသားကြီး စတီဖင်ချောင်
အသက် ၆၁ နှစ်အရွယ် ဟောင်ကောင်မင်းသားကြီးစတီဖင်ချောင်ဟာ မကြာသေးခင်က အင်စတာဂရမ်ဗီဒီယိုတစ်ခုတင်ခဲ့ပါတယ်။ အဲ့ဒီဗီဒီယိုထဲမှာ စိတ်ရှည်စွာတန်းစီစောင့်ဆိုင်းနေတဲ့ ဝန်ထမ်းတွေဆီကနေ အနီရောင်စက္ကူအိတ်တွေ (အန်ပေါင်း) ကို လက်ခံခဲ့တာကို တွေ့ရပါတယ်။
ဒါပေမဲ့ ဒီအသက်အရွယ်မှာ ဝန်ထမ်းတွေဆီက အန်ပေါင်းတွေ လက်ခံနေတာက ထူးဆန်းတာကြောင့် အဲဒီဗီဒီယိုက လူမှုကွန်ယက်အသုံးပြုသူအများအပြားကို အမျိုးမျိုးပြောဆိုစေခဲ့ပါတယ်။ သူ့ဘက်မှာ ရပ်တည်ပြီး ပြောဆိုတဲ့ လူမှုကွန်ယက်အသုံးပြုသူတော်တော်များများလည်းရှိပါတယ်။ အခုလိုအလေ့အထက ကန်တုံလူမျိုးတွေအတွက် ဖြစ်ရိုးဖြစ်စဉ်တစ်ခုဖြစ်ပြီး အသက်အရွယ်မရွေး တစ်ကိုယ်ရည်သမားတွေ အန်ပေါင်းပေးခံရတာက ရိုးရာဓလေ့တစ်စိတ်တစ်ပိုင်းဖြစ်တယ်လို့ လူမှုကွန်ယက်အသုံးပြုသူတစ်ဦးက ဆိုပါတယ်။
စတီဖင်ချောင်ကို အန်ပေါင်းပေးတဲ့သူတွေက အိမ်ထောင်သည်တွေဖြစ်မယ်လို့ လူအများက ထင်မြင်ခဲ့ပြီး အန်ပေါင်းပေးတော့လည်း တရိုတသေနဲ့ ပေးခဲ့တယ်လို့ ဆိုကြပါတယ်။ “ဒီအန်ပေါင်းတွေမှာ ပုံမှန်ဆို ယွမ် ၁၀ ကနေ ယွမ် ၅၀ ထိပါတယ်”လို့ လူမှုကွန်ယက်အသုံးပြုသူတစ်ဦးက ရေးသားခဲ့ပါတယ်။
“ဒါက သာမန်ပဲမဟုတ်ဘူးလား။ ကျွန်တော်ဆို နှစ်တိုင်း အိမ်ထောင်သည်လုပ်ဖော်ကိုင်ဖက်တွေဆီက အန်ပေါင်း ၁၀ ခုကျော်လောက် ရတယ်”လို့ အခြားလူမှုကွန်ယက်အသုံးပြုသူကလည်း ဆိုထားပါတယ်။ “စတီဖင်ချောင် တစ်ကိုယ်တည်းနေတဲ့အကြောင်းအရင်းကို ရှာတွေ့ပြီ”လို့လည်း လူမှုကွန်ယက်အသုံးပြုသူတစ်ဦးက စနောက်ပြောဆိုထားပါသေးတယ်။
ရေးသားသူ – Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
