လုံးဝနေကြတ်ခြင်းကို အမြင့်ပေ ၃၀၀၀၀ ကနေ မြင်တွေ့ခွင့်ရစေမယ့် လေကြောင်းခရီးစဉ်
လုံးဝနေကြတ်ခြင်းကို အမြင့်ပေ ၃၀၀၀၀ ကနေ မြင်တွေ့ခွင့်ရစေဖို့အတွက် Delta လေကြောင်းလိုင်းက သီးသန့်လေကြောင်းခရီးစဉ်တစ်ခု ပြေးဆွဲသွားဖို့ စီစဉ်နေပါတယ်။ ဧပြီလ ၈ ရက်မှာ Dallas-Fort Worth ကနေ ဒက်ထရွိုက်ကို လေကြောင်းခရီးစဉ် ပြေးဆွဲပြီး လရိပ်ဖြတ်သန်းရာ လမ်းကြောင်းတစ်လျှောက်(path of totality) အချိန်ကြာကြာ ရှိနေအောင် ပျံသန်းမယ်လို့ ပြီးခဲ့တဲ့တနင်္လာနေ့မှာ Delta လေကြောင်းလိုင်းက ကြေညာခဲ့ပါတယ်။
လုံးဝနေကြတ်ခြင်းကို မက္ကဆီကို၊ အမေရိကန်နိုင်ငံ၊ ကနေဒါနိုင်ငံ အရှေ့ပိုင်း အပါအဝင် မြောက်အမေရိကတိုက်ရဲ့ လူနေထူထပ်တဲ့ဒေသတွေကနေ မြင်တွေ့ရဖွယ် ရှိပါတယ်။ အကြမ်းဖျင်းအားဖြင့် မိုင် ၁၀၀ ကျယ်ဝန်းတဲ့ လရိပ်ဖြတ်သန်းရာ လမ်းကြောင်းတစ်လျှောက်မှာ နေကြတ်ခြင်းကို မြင်တွေ့ရမှာပါ။
Deltaကုမ္ပဏီဟာ အော်စတင်မြို့ကနေ ဒက်ထရွိုက်မြို့ကို ပျံသန်းမယ့် ပထမဆုံး သီးသန့်လေကြောင်းခရီးစဉ် (လေကြောင်းအမှတ် ၁၂၁၈)ကို ဖေဖော်ဝါရီလ ၁၉ ရက်မှာ စတင်ကြေညာခဲ့ပြီး ၂၄ နာရီအတွင်း လက်မှတ်အားလုံး ရောင်းကုန်သွားခဲ့ပါတယ်။ လေကြောင်းအမှတ် ၁၂၁၈ ခရီးစဉ်ကို A220-300 လေယာဉ်နဲ့ ပျံသန်းမှာဖြစ်ပြီး ဖေဖော်ဝါရီလ ၂၆ ရက်က ကြေညာခဲ့တဲ့ လေကြောင်းအမှတ် 1010 ကိုတော့ ပိုကြီးမားတဲ့ A321neo လေယာဉ်နဲ့ ပျံသန်းစေမှာ ဖြစ်ပါတယ်။
ရေးသားသူ – Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
