ထိုင်းလူအများစု မဲထည့်ခဲ့တဲ့ Move Forward ပါတီ ဖျက်ဖို့ ရွေးကောက်ပွဲ ကော်မရှင်တောင်းဆို
ဘုရင်ကို စော်ကားဝေဖန်သူတိုင်းကို ထောင်နှစ်ရှည် ချနိုင်တဲ့ ဥပဒေကို Move Forward ပြောင်းလဲလို
ပြီးခဲ့တဲ့နှစ်က ကျင်းပခဲ့တဲ့ ထိုင်း ရွေးကောက်ပွဲအတွင်း မဲ အများဆုံး ရရှိခဲ့တဲ့ Move Forward ပါတီ ကို ဖျက်သိမ်းပေးဖို့ရာ အခြေခံဥပဒေ ခုံရုံးကို တောင်းဆို သွားမယ်လို့ ထိုင်း ရွေးကောက်ပွဲ ကော်မရှင်က ပြောပါတယ်။
ထိုင်းနိုင်ငံမှာ ဘုရင်စနစ်နဲ့ ထီးနန်းကို ဝေဖန်ခွင့် မရှိစေဖို့ ဥပဒေအရ အကာအကွယ် ပြုထားတာကို Move Forward ပါတီ က ပြောင်းလဲ ပစ်လိုတဲ့ အတွက် အဲဒီပါတီဟာ ဖျက်သိမ်းသင့်တယ် ဆိုပြီး ကော်မရှင်ဘက်က ဆိုပါတယ်။
အဲဒီလို ဥပဒေကြောင်း အပြောင်းအလဲ လုပ်ဖို့ Move Forward ပါတီဘက်က အကြံပြုခဲ့တဲ့ လုပ်ရပ်ဟာ အခြေခံဥပဒေကို ချိုးဖောက်တဲ့ လုပ်ရပ်အဖြစ် ခုံရုံးဘက်က ဆုံးဖြတ်ထားပြီး ဖြစ်ပါတယ်။
ထိုင်းနိုင်ငံမှာ ဘုရင်ကို စော်ကားဝေဖန်သူတိုင်း ထောင် ၁၅ နှစ် ကျနိုင်ပါတယ်။ အဲဒါကို ပြောင်းလဲလိုတဲ့ သဘောထားရှိကြောင်း ဖော်ပြခဲ့တဲ့ Move Forward ပါတီဟာ ရွေးကောက်ပွဲမှာ အမတ်နေရာ အများစု အနိုင်ရရှိ ခဲ့ပေမယ့်၊ အစိုးရ မဖွဲ့နိုင်အောင် တခြား နိုင်ငံရေး ပါတီတွေက ညွန့်ပေါင်းဖွဲ့ ခဲ့ကြပါတယ်။
ရေးသားသူ –BBC Burmese
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
