ကနီမြို့နယ်တွင် ၁၀၂ နှစ်မြောက် အမျိုးသားနေ့အောင်ပွဲနှင့် စစ်အာဏာရှင်ဆန့်ကျင်ရေးသပိတ်ပြုလုပ်

ကနီမြို့နယ်တွင် ၁၀၂ နှစ်မြောက် အမျိုးသားနေ့အောင်ပွဲနှင့် စစ်အာဏာရှင်ဆန့်ကျင်ရေးသပိတ်ပြုလုပ်
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ ကနီမြို့နယ်တွင် ၁၀၂ နှစ်မြောက် အမျိုးသားနေ့အောင်ပွဲနှင့် စစ်အာဏာရှင်ဆန့်ကျင်ရေးသပိတ်ပြုလုပ် ဆိုတဲ့သတင်းလေးပဲ ဖြစ်ပါတယ်။

ရန်ကုန်၊ နိုဝင်ဘာ ၁၈

စစ်ကိုင်းတိုင်း ၊ ယင်းမာပင်ခရိုင်၊ ကနီမြို့နယ်တွင် နယ်မြေမငြိမ်မသက်ဖြစ်နေသည့်ကြားမှ ယနေ့ နိုဝင်ဘာ ၁၈ ရက်နေ့ တွင် ကနီမြို့နယ် နွေဦးတော်လှန်ရေးသပိတ်အင်အားစုမှ ဦးဆောင်ပြီး အင်အား ရာချီ၍ ၁၀၂ နှစ်ပြည့် အမျိုးသားနေ့အောင်ပွဲ နှင့်စစ်အာဏာရှင်ဆန့်ကျင်ရေးသပိတ်ကို ကျင်းပပြုလုပ်ခဲ့သည်။

သပိတ်ဦးဆောင်သူများမှ စစ်အာဏာရှင်ဆန်ကျင်ရေး တရားများ ဟောပြောခဲ့ကြပြီး ခေတ်အဆက်ဆက်နှင့် မြန်မာ့နွေဦးတော်လှန်ရေးတွင် ကျဆုံးခဲ့သော ရဟန်းရှင်လူကျောင်းသားမိဘပြည်သူများအား အလေးပြုခြင်း၊ သွေးသစ္စာသီချင်းကို သံပြိုင်သီဆိုခြင်း ၊ စစ်အာဏာရှင်ဆန့်ကျင်ရေးကြွေးကြော်သံများ ကြွေးကြော်၍ ဆန္ဒပြခြင်းများပြုလုပ်ခဲ့ကြသည်။