မန္တလေး၊ တံတားဦးအနီး ငလျင်ထပ်လှုပ်၊ အခုအပတ်အတွင်း ၅ကြိမ်မြောက်လှုပ်ခတ်မှုဖြစ်

မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ မန္တလေး၊ တံတားဦးအနီး ငလျင်ထပ်လှုပ်၊ အခုအပတ်အတွင်း ၅ကြိမ်မြောက်လှုပ်ခတ်မှုဖြစ် ဆိုတဲ့သတင်းလေးပဲ ဖြစ်ပါတယ်။

မန္တလေး၊ တံတားဦးမြို့အနီး မှာ ဒီနေ့ ဒီဇင်ဘာ ၁၉ ရက် မနက်ပိုင်းက အင်အား ရစ်ချ်တာစကေး ၃ ဒသမ ၁ အဆင့်ရှိ အင်အားအနည်းငယ်ရှိတဲ့ မြေငလျင်တခု လှုပ်ခတ်ခဲ့တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနက ထုတ်ပြန်ပါတယ်။

ဒီနေ့မနက် ၆ နာရီခွဲကျော်အချိန်မှာ မန္တလေးမြေငလျင်စခန်းရဲ့ တောင်၊အနောက်တောင်ဘက် ၁၇ မိုင်ခန့်ကွာဝေးတဲ့ မြန်မာနိုင်ငံပြည်တွင်း တံတားဦးမြို့ရဲ့ အရှေ့ ၊အရှေ့တောင်ဘက် ၆ မိုင်ခန့်အကွာ မှာ အနက် ၁၂ ကီလိုမီတာကို ဗဟိုပြုပြီး မြေငလျင်လှုပ်ခတ်သွားတာလို့ဖော်ပြပါတယ်။
ပြီးခဲ့တဲ့ဒီဇင်ဘာ ၁၅ ရက် မနက်ပိုင်းကလည်း တံတားဦးမြို့အနီးမှာပဲ အင်အား ရစ်ချ်တာစကေး ၅ ဒသမ ၂ အဆင့်ရှိ မြေငလျင်တခုလှုပ်ခတ်ခဲ့လို့ မန္တလေးတိုင်းအတွင်းငလျင်လှုတ်ခတ်ခဲ့လို့ မန္တလေး တိုင်းနဲ့ စစ်ကိုင်းတိုင်းထဲက ဘုရားပုထိုးတော်တွေနဲ့ ရှေးဟောင်းအဆောက်အဦးအချို့ ပျက်စီးတာတွေဖြစ်ခဲ့ပါတယ်။နောက်ရက် ဒီဇင်ဘာ ၁၆ ရက် မှာလည်း တနေ့တည်းမှာ ငလျင် ၃ ကြိမ်လှုပ်ခတ်ခဲ့တာပါ။