ပေါ့ပ်ဘုရင် မိုက်ကယ်ဂျက်ဆင်နဲ့ ရုပ်တူတဲ့သူ
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ ပေါ့ပ်ဘုရင် မိုက်ကယ်ဂျက်ဆင်နဲ့ ရုပ်တူတဲ့သူ ဆိုတဲ့သတင်းလေးပဲ ဖြစ်ပါတယ်။
ပေါ့ပ်ဘုရင် မိုက်ကယ်ဂျက်ဆင်နဲ့ ရုပ်တူတဲ့သူ
ဗြိတိန်က အသက် ၂၈ နှစ်အရွယ် အမျိုးသားတစ်ဦးဟာ ပေါ့ပ်ဘုရင် မိုက်ကယ်ဂျက်ဆင်နဲ့ အတော်လေးရုပ်ချင်းဆင်တဲ့သူတစ်ယောက်ပါ။ အဲဒီအမျိုးသားက ဖာဘိုင်အို ဂျက်ဆင်အမည်ရတဲ့ Professional Influencer ပါ။ လူတွေက သူ့ကို တွေ့ရင် Snap ပုံတွေရိုက်ကြပြီး မိုက်ကယ်ဂျက်ဆင်ကို အပြင်မှာ အရှင်လတ်လတ်တွေ့လိုက်ရသလိုပါပဲတဲ့။ ဖာဘိုင်အိုရဲ့မျက်နှာအသွင်အပြင်နဲ့ဆံပင်စတိုင်တွေက မိုက်ကယ်ဂျက်ဆင်လိုပါပဲ။ သူက မိုက်ကယ်ဂျက်ဆင်လို အရည်အချင်းရှိတဲ့အကသမားလည်းဖြစ်ပါတယ်။
သူ့ကို မိုက်ကယ်ဂျက်ဆင်နဲ့ရုပ်တူတာက မျက်နှာခွဲစိတ်ပြုပြင်မှုတွေလုပ်ထားတာကြောင့်ဖြစ်တယ်လို့ လူမှုကွန်ယက်အသုံးပြုသူတွေက ဝေဖန်ပြောဆိုခဲ့ကြပါတယ်။ အဲဒီလိုပြောဆိုမှုတွေနဲ့ ဖာဘိုင်အိုက လူသိများလာခဲ့ပါတယ်။ ဖာဘိုင်အိုက မိုက်ကယ်ဂျက်ဆင်နဲ့တူအောင် ခွဲစိတ်ပြုပြင်တာမျိုးတွေမရှိခဲ့ပါဘူး။ သူ ငယ်ငယ်ကတည်းက အဲဒီလိုပုံစံပါပဲ။ အရွယ်ရောက်လာတော့ သူ့ရဲ့မေးရိုးတွေကာသွားတယ်။ သူ့ရဲ့မျက်နှာက လုံးဝသဘာဝဖြစ်တယ်လို့ အခိုင်အမာဆိုထားပါတယ်။
မကြာသေးခင်က ဖာဘိုင်အိုဟာ သူ့ရဲ့ငယ်ဘဝဓာတ်ပုံတွေပါဝင်တဲ့ ဗီဒီယိုနဲ့ မိုက်ကယ်ဂျက်ဆင်နဲ့တူဖို့အတွက် မျက်နှာခွဲစိတ်ပြုပြင်ထားတယ်ဆိုတဲ့ လူမှုကွန်ယက်အသုံးပြုသူတွေရဲ့ဝေဖန်ပြောဆိုမှုတွေကို ရပ်တန့်သွားစေခဲ့ပါတယ်။ ဖာဘိုင်အိုက မိုက်ကယ်ဂျက်ဆင်ရဲ့အမာခံပရိသတ်မဟုတ်ပေမဲ့ ပေါ့ပ်ဘုရင်ရဲ့ပရဟိတစိတ်ကြောင့် လေးစားတယ်လို့ ဆိုပါတယ်။ ဒါ့အပြင် သူ့အတွက် မိုက်ကယ်ဂျက်ဆင်က အကနဲ့ပတ်သက်ပြီး လှုံ့ဆော်မှုဖြစ်ခဲ့တာပါ။ သူက ရှက်ရွံ့တတ်တဲ့သူဖြစ်ပေမဲ့ မိုက်ကယ်ဂျက်ဆင်လို ကပြဖျော်ဖြေရတာကို နှစ်သက်ပါတယ်။
လူသိများလာတာနဲ့အမျှ ဖာဘိုင်အိုက ပရိသတ်တွေအများကြီးရလာသလို ဆိုးရွားတဲ့ကွန်မန့်တွေကို ဘယ်လိုတုံ့ပြန်ရမလဲဆိုတာကိုလည်း သင်ယူခဲ့ရပါတယ်။ သူ့ကို မိုက်ကယ်ဂျက်ဆင်လို ဖြစ်စေချင်တဲ့သူတွေရှိသလို နည်းနည်းပဲတူတယ်လို့ ပြောတဲ့သူတွေလည်းရှိပါတယ်။ လူမှုကွန်ယက်ပေါ်မှာ သူ့ကို ဆိုးရွားစွာပြောဆိုတဲ့အခါ သူ ဘာမှတုံ့ပြန်ပြောဆိုတာမျိုးတွေမရှိပါဘူး။ သူ့ရဲ့ရည်ရွယ်ချက်က ကောင်းတဲ့လွှမ်းမိုးမှုတွေဖြန့်ကျက်ဖို့ပါပဲ။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
