အဖြစ်များတဲ့ အသားရေပြဿနာအတွက် ဖြေရှင်းနည်းများ
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ အဖြစ်များတဲ့ အသားရေပြဿနာအတွက် ဖြေရှင်းနည်းများ ဆိုတဲ့သတင်းလေးပဲ ဖြစ်ပါတယ်။
အဖြစ်များတဲ့ အသားရေပြဿနာအတွက် ဖြေရှင်းနည်းများ
မိန်းကလေးတော်တော်များများအတွက် အသားရေကို ဂရုစိုက်ထိန်းသိမ်းရတာက တာဝန်တစ်ခုလိုဖြစ်နေပါတယ်။ နေနဲ့တိုက်ရိုက်ထိတွေ့မိတာနဲ့ လေထုညစ်ညမ်းမှုတွေက အသားရေပြဿနာတွေ ဖြစ်လာရခြင်းရဲ့နောက်ကွယ်က အကြောင်းအရင်းတစ်ခုပါပဲ။ အသားရေပြဿနာတွေ ဖြစ်လာတာနဲ့ အရေပြားဆရာဝန်တွေဆီ သွားပြကြရပါတယ်။ ဒါပေမဲ့ တစ်ခါတလေ သဘာဝအတိုင်းကုသတာကလည်း ကောင်းပါတယ်။ ဒါကြောင့် အဖြစ်များလေ့ရှိတဲ့ အသားရေပြဿနာတွေအတွက် ကုသနည်းတချို့ကို ပြောပြပေးချင်ပါတယ်။
အသားရေမညီညာတဲ့သူဆိုရင်
အသားရေမညီညာဖြစ်ပြီး ဝက်ခြံ၊ အမဲစက်ပေါက်တတ်တာက ဖယ်ရှားပစ်ဖို့ လွယ်ကူတဲ့ ပြဿနာတော့မဟုတ်ပါဘူး။ ဒါပေမဲ့ အဲဒီအတွက် ရိုးရှင်းတဲ့ဖြေရှင်းနည်း ရှိတယ်ဆိုတာသိရင် သင် ဝမ်းသာသွားပါလိမ့်မယ်။ အဲဒါကတော့ ဒိန်ချဉ်ကို အသုံးပြုလိုက်ရုံပါပဲ။ ဒိန်ချဉ်က ဆဲလ်အသေတွေကို ဖယ်ရှားပစ်နိုင်တဲ့ လက်တစ်အက်ဆစ်ပါဝင်ပါတယ်။ ဒိန်ချဉ် (စားပွဲတင်ဇွန်း (၁) ဇွန်း) ကိုယူပြီးရင် မျက်နှာမှာလိမ်းလိုက်ပြီး မိနစ် (၂၀) လောက်ထားလိုက်ပါ။ အဲဒီနောက် ရိုးရိုးရေနဲ့ မျက်နှာကို သန့်စင်ပေးပါ။ ဒီနည်းကို (၁၅) ရက်လောက် ပုံမှန်လုပ်ပေးသင့်ပါတယ်။
မဲညစ်တဲ့အသားရေဆိုရင်
ကျွန်တော်တို့တွေ လွှတ်ပစ်လေ့ရှိတဲ့ သစ်ကြားသီးခွံက အသားရေအတွက် ကောင်းမွန်ပါတယ်။ သစ်ကြားသီးခွံကို အမှုန့်ဖြစ်အောင်လုပ်ပြီး သင်္ဘောသီးအနှစ်နဲ့ သံပုရာရည်တွေကို ရောထည့်လိုက်ပါ။ ဒီအရောအနှောနဲ့ မျက်နှာပေါင်းတင်ပေးရင် မွဲခြောက်မဲညစ်တဲ့အသားရေကို ဖြစ်စေတဲ့ ဆဲလ်အသေတွေကို ဖယ်ရှားပေးပါတယ်။
နေလောင်တဲ့အသားရေဆိုရင်
အသားရေ နေလောင်တာကို နွေရာသီမှာ သေချာပေါက်ကြုံတွေ့ကြရမှာပါ။ ဒီပြဿနာကို ဖြေရှင်းဖို့ဆိုရင် သခွားသီးအရည် (စားပွဲတင်ဇွန်း (၁) ဇွန်း) ၊ သံပုရာရည် (စားပွဲတင်ဇွန်း (၁) ဇွန်း) နဲ့ နှင်းဆီရည် (စားပွဲတင်ဇွန်း (၁) ဇွန်း) တို့ကို ရောစပ်ပြီး မျက်နှာမှာ ပုံမှန်လိမ်းပေးမယ်ဆိုရင် နေလောင်တဲ့အသားရေကို ဖယ်ရှားနိုင်မှာဖြစ်ပါတယ်။
ခြောက်သွေ့တဲ့အသားရေဆိုရင်
အုန်းဆီက အသားရေကို ရေဓာတ်ဖြည့်ပေးတဲ့ အကောင်းဆုံးအရာဖြစ်ပါတယ်။ အုန်းဆီကို နည်းနည်းအပူပေးပြီး လည်ပင်းနဲ့ မျက်နှာမှာ လိမ်းပေးပါ။ ပြီးရင် (၅) မိနစ်လောက် မျက်နှာကို စက်ဝိုင်းပုံစံအတိုင်း နှိပ်နင်ပေးပြီး တစ်ညလုံး လိမ်းထားလိုက်ပါ။ Scrub အနေနဲ့ အသုံးပြုချင်ရင် သကြားထည့်ပေးလို့ရပါတယ်။ အုန်းဆီမှာ ပါဝင်တဲ့ ဒြပ်ပေါင်းတွေက အသားရေကို အာဟာရဓာတ်ဖြည့်ပေးပြီး အသားရေ စိုပြေဝင်းပလာစေပါတယ်။
အဆီပြန်တဲ့အသားရေဆိုရင်
သင့်အသားရေက အဆီပြန်တတ်တယ်ဆိုရင် သံပုရာရည် (စားပွဲတင်ဇွန်း (၁) ဇွန်း) ကို ရေ (စားပွဲတင်ဇွန်း (၁) ဇွန်း) တို့ကို ရောစပ်ပေးပြီး မျက်နှာမှာ လိမ်းပေးပါ။ ပြီးရင် (၁၀) မိနစ်လောက် အချိန်ပေးပါ။ အဲဒီနောက် ရေနွေးနွေးလေးနဲ့ မျက်နှာသစ်ပေးရမှာဖြစ်ပါတယ်။
အဆီပြန်တဲ့အသားရေဆိုရင်
သင့်အသားရေက အဆီပြန်တတ်တယ်ဆိုရင် သံပုရာရည် (စားပွဲတင်ဇွန်း (၁) ဇွန်း) ကို ရေ (စားပွဲတင်ဇွန်း (၁) ဇွန်း) တို့ကို ရောစပ်ပေးပြီး မျက်နှာမှာ လိမ်းပေးပါ။ ပြီးရင် (၁၀) မိနစ်လောက် အချိန်ပေးပါ။ အဲဒီနောက် ရေနွေးနွေးလေးနဲ့ မျက်နှာသစ်ပေးရမှာဖြစ်ပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။