ကလေးတွေကို ဆုံးမခြင်းအပေါ် မှားယွင်းတဲ့အချက်တွေ
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ ကလေးတွေကို ဆုံးမခြင်းအပေါ် မှားယွင်းတဲ့အချက်တွေ ဆိုတဲ့သတင်းလေးပဲ ဖြစ်ပါတယ်။
ကလေးတွေကို ဆုံးမခြင်းအပေါ် မှားယွင်းတဲ့အချက်တွေ
မိဘတွေနဲ့ သားသမီး၊ ဆရာနှင့် တပည့်၊ လူကြီးနဲ့ ကလေး စသဖြင့် ရှိကြတယ်။ မိဘတွေကသားသမီးတွေကို ဆုံးမကြတယ်၊ ဆရာတွေကလည်း တပည့်တွေကို ဆုံးမကြတယ်။ အဲဒီလို ဆုံးမမူ အပေါ်မှာ မှားယွင်းတဲ့ အချက်တွေရှိလို့နေပါတယ်။
စိတ်ဆိုး ဒေါသထွက်စွာနဲ့ ဆုံးမခြင်း/ မှားယွင်းတယ်
ကလေးတစ်ယောက်ကို ဖြစ်ဖြစ် တပည့်တစ်ယောက်ကို ဖြစ်ဖြစ် စိတ်ဆိုးပြီး ဒေါသထွက်စွာဖြင့် ဆုံးမတာဟာ မှားယွင်းတယ်လို့ ဆိုနိုင်ပါတယ်။ စိတ်ဆိုး ဒေါသထွက်နေတဲ့ အတွက်ကြောင့် မိမိဘာကို ဆိုလိုချင်တယ်၊ ဘာကို ပြောချင်တယ်ဆိုတာကို အဆုံးမခံရသူ နားမလည် ဖြစ်သွားတတ်ပါတယ်။
ရိုက်နက်ဆုံးမမှ လိမ္မာမယ်/ မှားယွင်းတယ်
အမှန်တော့ ရိုက်တယ်ဆိုတာ ကောင်းတယ်လို့ မမြင်ပါဘူး။ တစ်ချို့ကလေးက ရိုက်မှ မှတ်မိမှာဆိုတော့ ဆင်ခြေတွေ ရှိကောင်း ရှိလိမ့်မယ်။ ဒါပေမယ့်လည်း ရိုက်ခြင်းထက် လိမ္မာချစ်ဖွယ်သော စကားလေးတွေကို သုံးပြီး ဆုံးမတာက ပိုပြီး အကျိုးရှိစေပါလိမ့်မယ်။
အရက်သောက်ပြီးမှ ဆုံးမတယ်/ မှားယွင်းတယ်
အရက်သောက်ပြီး ဆုံးမလို့ လိမ္မာသွားတဲ့ ကလေးတွေလည်း ရှိမှာပါဆိုလို့ အကြောင်းပြချက် ရှိချင် ရှိလိမ့်မယ်။ ဒါကတော့ လူနည်းစု ဖြစ်မှာပါ မကောင်းတာ လုပ်ပြီးမှ ကောင်းတာလုပ်ဖို့ မတိုက်တွန်းသင့်ပါ။ ငါလုပ်သလို မလုပ်ဘဲ ငါပြောသလို လုပ်ဖို့ ဆိုတဲ့ စကားနဲ့ ဆုံးမတာကိုတော့ မှားတယ်လို့ မြင်ပါတယ်။ ဒါကြောင့် ဆုံးမသူတွေ ကိုယ်တိုင်ကလည်း လိမ္မာယဉ်ကျေးဖို့ လိုပါလိမ့်မယ်။
မိမိပြောချင်ရာ ပြောပြီး ဆုံးမတယ် / မှားယွင်းတယ်
ငါကတော့ သူရဲ့ မိဘပဲ ငါကတော့ သူ့ရဲ့ ဆရာပဲ ဆိုပြီး မိမိပြောချင်တာတွေ ချဉ်းပဲ ပြောပြီး ဆုံးမတာဟာ မှားယွင်းနေပါတယ်။ သူတို့ကလေးတွေ ဘာပြောချင်လဲ၊ ဘာကို ဆိုလိုချင်လဲ ဆိုတာကို သိအောင် နားလည်အောင်လုပ်ပြီး ဆွေးနွေးတိုင်ပင်ဖို့လည်း လိုပါလိမ့်မယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
