မင်္ဂလာဝတ်စုံဆာရီကိုပြန်လည်ဝတ်ဆင်ပြီး အမျိုးသားရုပ်ရှင်ဆုကို တက်ယူခဲ့တဲ့ အလီယာဘတ်
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ မင်္ဂလာဝတ်စုံဆာရီကိုပြန်လည်ဝတ်ဆင်ပြီး အမျိုးသားရုပ်ရှင်ဆုကို တက်ယူခဲ့တဲ့ အလီယာဘတ် ဆိုတဲ့သတင်းလေးပဲ ဖြစ်ပါတယ်။
မင်္ဂလာဝတ်စုံဆာရီကိုပြန်လည်ဝတ်ဆင်ပြီး အမျိုးသားရုပ်ရှင်ဆုကို တက်ယူခဲ့တဲ့ အလီယာဘတ်
ဘောလိဝုဒ်ထိပ်တန်းမင်းသမီး အလီယာဘတ်ဟာ မကြာသေးခင်ကမှ ကျင်းပပြုလုပ်ခဲ့တဲ့ ၆၉ ကြိမ်မြောက်အမျိုးသားရုပ်ရှင်ဆုပေးပွဲမှာ Gangubai Kathiawadi ဇာတ်ကားနဲ့ သရုပ်ဆောင်ပီပြင်ပိုင်းနိုင်မှုကြောင့် တရားဝင်ဂုဏ်ပြုဆု ချီးမြှင့်ခံခဲ့ရပါတယ်။ ဆုတံဆိပ်နဲ့ ဂုဏ်ပြုမှတ်တမ်းကို အိန္ဒိယသမ္မတ ဒရူပါဒီ မာမူက ပေးအပ်ခဲ့တာပါ။ သမ္မတနဲ့အတူ Pose ပေးနေတဲ့ပုံရိပ်ကို အလီယာရဲ့ခင်ပွန်းဖြစ်သူ မင်းသား ရန်ဘီယာ ကာပူးရ်က ဖုန်းနဲ့ ရိုက်ကူးပေးခဲ့ပါတယ်။
အလီယာကို မင်္ဂလာဆောင်စဉ်က ဝတ်ဆင်ခဲ့တဲ့ မင်္ဂလာဝတ်စုံဆာရီကို ဝတ်ဆင်ပြီး ဆုပေးပွဲကို တက်ရောက်လာတာ တွေ့ခဲ့ရပါတယ်။ လက်ဝတ်ရတနာတွေကိုလည်း မင်္ဂလာဝတ်စုံဆာရီနဲ့ လိုက်ဖက်စွာ စတိုင်ကျကျဝတ်ဆင်လာခဲ့ပါတယ်။ မင်္ဂလာဝတ်စုံဆာရီဝတ်ဆင်ဖြစ်တာနဲ့ပတ်သက်ပြီး အလီယာဟာ ဆုပေးပွဲက ပုံတစ်ပုံနဲ့ အခုလို ပြောကြားခဲ့ပါတယ်။ “ထူးခြားတဲ့နေ့ထူးနေ့မြတ်မှာ အထူးဝတ်စုံကို ဝတ်ဆင်ရပါတယ်။ တစ်ခါတလေ ဒီဝတ်စုံက ကိုယ့်မှာ ရှိနေပြီးသားပါ။ နောက်ထပ်ထူးခြားတဲ့အရာ ထပ်ခါ ထပ်ခါ ထူးခြားလာနိုင်ပါတယ်”လို့ ရေးသားခဲ့တာပါ။
ဆုပေးပွဲအခမ်းအနားပြီးတဲ့အချိန်မှာလည်း အလီယာဟာ ဆုပေးပွဲက သူ့ရဲ့ဓာတ်ပုံတွေနဲ့ ဗီဒီယိုတွေကို သူ့ရဲ့အင်စတာဂရမ်အကောင့်မှာ တင်ပေးခဲ့ပါသေးတယ်။ အလီယာက အခုနှစ်ထဲ ဇာတ်ကားနှစ်ကားထွက်ရှိခဲ့ပါတယ်။ ရန်ဗီယာဆင်းနဲ့အတူ ပါဝင်ခဲ့တဲ့ Rocky Aur Rani Kii Prem Kahaani ဇာတ်ကားနဲ့ ဂယ်ဂဒေါ့နဲ့အတူ ပါဝင်ခဲ့တဲ့ သူ့ရဲ့ပထမဆုံးဟောလိဝုဒ်ဇာတ်ကား Heart of Stone တို့ပါပဲ။ Jigra ဆိုတဲ့ ဇာတ်ကားအသစ်ကိုလည်း ရိုက်ကူးနေပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
