Now You See Me 3 ထုတ်လုပ်ဖို့ Lionsgate တရားဝင်ကြေညာ
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ Now You See Me 3 ထုတ်လုပ်ဖို့ Lionsgate တရားဝင်ကြေညာ ဆိုတဲ့သတင်းလေးပဲ ဖြစ်ပါတယ်။
Now You See Me 3 ထုတ်လုပ်ဖို့ Lionsgate တရားဝင်ကြေညာ
ရုပ်ရှင်ပရိသတ်တွေကြားမှာ အကြိုက်များခဲ့တဲ့ Now You See Me နဲ့ Now You See Me 2 အပြီးမှာ သုံးကားမြောက် Now You See Me ကို ထပ်မံကြည့်ရှုရတော့မှာဖြစ်ပါတယ်။
Now You See Me 3 နဲ့ ပတ်သက်ပြီး အစောကတည်းက သတင်းထွက်နေပေမယ့် ယခုအခါမှာတော့ Now You See Me 3 ဆက်လက်ထုတ်လုပ်သွားမှာဖြစ်ကြောင်း Lionsgate Motion Pictures Group က တရားဝင်ကြေညာလာတာဖြစ်ပါတယ်။
Now You See Me 3 ဟာ ယခင် Now You See Me ရဲ့ အငွေ့အသက်တွေကို ပြန်လည်ပြသမှာဖြစ်ပြီး မျက်လှည့်ဆရာတွေပါဝင်တဲ့အုပ်စုတစ်ခုက အကျင့်ပျက်ခြစားတဲ့စီးပွားရေးလုပ်ငန်းရှင်တွေဆီကနေ ငွေတွေကိုလိမ်လည်ခိုးယူကာ FBI ရဲ့ ရန်ကိုရှောင်ပြီး အဲဒီငွေတွေကို လူတွေဆီကိုပြန်ပေးတဲ့အကြောင်း ရိုက်ကူးပြသမှာပါ။
Now You See Me 3 ကို The Punisher (Dolph Lundgren) ဒါရိုက်တာ Boaz Yakin နဲ့ Men in Black ဇာတ်ညွှန်းဆရာ Ed Solomon တို့က ဇာတ်လမ်းဇာတ်ညွှန်းရေးသားကာ Venom ဒါရိုက်တာ Rubin Fleischer က ဒါရိုက်တာနေရာကနေ တာဝန်ယူရိုက်ကူးပေးမှာဖြစ်ပါတယ်။
သရုပ်ဆောင်ရွေးချယ်မှုနဲ့ပတ်သက်ပြီး အသေးစိတ်ကိုမသိရသေးပေမယ့် Sherlock သရုပ်ဆောင် Benedict Cumberbatch လည်း ပါဝင်လာနိုင်ကြောင်း ကောလာဟလများထွက်ထားပါတယ်။
Now You See Me ရုပ်ရှင်တွေဟာ နှစ်ကားစလုံးရဲ့ ရုံတင်ငွေစုစုပေါင်း ကန်ဒေါ်လာ ၆၈၆ သန်းနီးပါးရရှိထားပြီး Now You See Me ကို The Incredible Hulk ဒါရိုက်တာ Louis Leterrier က ရိုက်ကူးကာ Now You See Me 2 ကို Crazy Rich Asians ဒါရိုက်တာ John Chu က ရိုက်ကူးခဲ့ပါတယ်။
ရေးသားသူ – Myanmar Varient Entertainment II
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
