အပစ်ရပ် မစခင် ဂါဇာမှာ အစ္စရေးက တိုက်ခိုက်မှုတွေ ဆက်လုပ်နေ
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ အပစ်ရပ် မစခင် ဂါဇာမှာ အစ္စရေးက တိုက်ခိုက်မှုတွေ ဆက်လုပ်နေ ဆိုတဲ့သတင်းလေးပဲ ဖြစ်ပါတယ်။
အပစ်ရပ် မစခင် ဂါဇာမှာ အစ္စရေးက တိုက်ခိုက်မှုတွေ ဆက်လုပ်နေ
ဂါဇာမှာ တိုက်ခိုက်မှုတွေ ၄ ရက်ကြာ မရပ်စဲခင် အစ္စရေးက ဟားမတ်စ်တွေကို ပစ်မှတ်ထား တိုက်ခိုက်မှုတွေ ဆက်လုပ်နေ
ဂါဇာဒေသမှာ တိုက်ခိုက်မှုတွေ ၄ ရက်ကြာ ရပ်စဲထားရေး အစီအစဉ် မတိုင်ခင် ဂါဇာကမ်းမြောင်ဒေသက ဟားမတ်စ်တွေရဲ့ စခန်းတွေကို ဆက်ပစ်မှတ်ထား တိုက်ခိုက်သွားမယ်လို့ အစ္စရေးက ပြောပါတယ်။
ဒီအပစ်အခတ် ရပ်စဲရေး ဘယ်တော့စမလဲ ဆိုတာကို ၂၄ နာရီအတွင်း ထုတ်ဖော်ကြေညာဖို့ ရှိပါတယ်။
ဒီအပစ်ရပ်သဘောတူချက်အရ ဟားမတ်စ်အဖွဲ့က ပြီးခဲ့တဲ့လက ဖမ်းဆီးခေါ်ဆောင်သွားတဲ့ ဓားစာခံ ၅၀ ကို ပြန်လွှတ်ပေးရမှာ ဖြစ်ပြီး အစ္စရေးဘက်ကလည်း ပါလက်စတိုင်း အကျဉ်းသား တစ်ရာကျော်ကို ပြန်လွှတ်ပေးရမှာ ဖြစ်ပါတယ်။
နောက်ထပ် အကျဉ်းသား ၁၀ ယောက် လွှတ်ပေးတိုင်း ဒီအပစ်ရပ်ရေး သဘောတူချက်ကို တစ်ရက်၊ တစ်ရက်စီ တိုးသွားမှာ ဖြစ်တယ်လို့ အစ္စရေးအစိုးရက ပြောပါတယ်။
ဒီအတောအတွင်းမှာပဲ ဂါဇာဒေသမှာ အစ္စရေးတပ်ဖွဲ့တွေ မြေပြင်ထိုးစစ်ဆင် တိုက်ခိုက်မှုတွေ မစတင်ခင်လေးမှာပဲ အလားတူ သဘောတူချက်တစ်ခုလုပ်ဖို့ အစ္စရေးအစိုးရက လက်မခံဘဲ ပယ်ချခဲ့တယ်ဆိုတဲ့ သတင်းတွေကို အစ္စရေး အစိုးရတာဝန်ရှိပုဂ္ဂိုလ်တွေက ငြင်းဆိုခဲ့ပါတယ်။
ဂါဇာဒေသမှာ အပစ်အခတ် ဆိုင်းငံ့ထားရေး သဘောတူချက်ကို ကမ္ဘာ့နိုင်ငံ ခေါင်းဆောင်တွေက ကြိုဆိုလိုက်ကြပါတယ်။ ဒီသဘောတူချက် ရလာဖို့ ကြားဝင် ညှိနှိုင်းပေးခဲ့တဲ့ ကာတာ ဝန်ကြီးချုပ် က ဒီသဘောတူချက်ကနေ စစ်ပွဲကြီး အဆုံးသတ်သွားစေဖို့ သူ့အနေနဲ့ မျှော်လင့်ထားတယ်လို့ ပြောပါတယ်။
အမေရိကန် သမ္မတ ဂျိုးဘိုင်ဒန်ကလည်း ဓားစာခံတွေ မကြာခင် သူတို့ မိသားစုတွေနဲ့ ပြန်လည်ဆုံစည်းနိုင်တော့မှာကို ကြိုဆိုပါကြောင်း ပြောသွား ပါတယ်။ ဒီသဘောတူချက် ရလာစေဖို့ အမေရိကန်အစိုးရ တာဝန်ရှိပုဂ္ဂိုလ် အများအပြား သံတမန်ရေးအရ အားကြိုးမာန်တက် ကူညီဆောင်ရွက်ပေး ခဲ့တယ်လို့ သူက ချီးကျူးစကားပြောသွားခဲ့ပါတယ်။
ရောမမြို့မှာတော့ ပုပ်ရဟန်းမင်းကြီး ဖရန်စစ်က အစ္စရေး ဓားစာခံတွေရဲ့ မိသားစုဝင်တွေနဲ့ရော အစ္စရေးမှာ အကျဉ်းကျနေတဲ့ ပါလက်စတိုင်းတွေရဲ့ မိသားစုဝင်တွေနဲ့ပါ သီးခြားစီ တွေ့ဆုံခဲ့ပါတယ်။
ထိုင်းဝန်ကြီးချုပ်ကလည်း ဒီ သဘောတူချက်ဟာ ဂါဇာမှာ ထိန်းသိမ်းခံထားရတဲ့ ထိုင်းဓားစာခံ ၂၅ ဦးအတွက် သတင်းကောင်းတစ်ခု ဖြစ်တယ်လို့ ပြောသွားပါတယ်။
ရေးသားသူ –BBC Burmese
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
