လေဆင်နှာမောင်းဒဏ် ခံခဲ့ရတဲ့ တင်နက်ဆီပြည်နယ်မှ ကောင်တီများအတွက် တေလာဆွစ်ဖ် ဒေါ်လာ ၁ သန်းလှူဒါန်း
လေဆင်နှာမောင်းကြောင့် ပျက်စီးဆုံးရှုံးမှုတွေဖြစ်ပေါ်ခဲ့တဲ့ တင်နက်ဆီပြည်နယ်မှ ကောင်တီအများအပြားအတွက် တေလာဆွစ်ဖ်က အမေရိကန်ဒေါ်လာ ၁ သန်း လှူဒါန်းခဲ့ပါတယ်။ ကမ္ဘာကျော်အဆိုတော် တေလာဆွစ်ဖ်ရဲ့လှူဒါန်းမှုကို Community Foundation of Middle Tennessee ရဲ့ အမှုဆောင်ချုပ် ဟယ်ကာတိုက အတည်ပြုခဲ့ပါတယ်။
” ပျက်စီးဆုံးရှုံးမှုကြုံခဲ့ရပြီးနောက် ပြန်လည်ထူထောင်ရေးခရီးရှည်ကြီးအတွက် သူတို့နောက်မှာ သူရှိနေတယ်ဆိုတဲ့အကြောင်း တေလာဆွစ်ဖ်က သဒ္ဒါတရားထက်သန်မှုနဲ့အတူ သူ့မွေးရပ်မြို့နဲ့ပတ်ဝန်းကျင်ကောင်တီတွေထံ သတင်းစကားပါးလိုက်တာပါပဲ” လို့ ဟယ်ကာတိုက ဆိုပါတယ်။
တေလာဆွစ်ဖ်ဟာ လေဆင်နှာမောင်းဒဏ် ခံခဲ့ရတဲ့ ဆမ်နာကောင်တီထဲက ဟန်ဒါဆန်ဗီးလ်အထက်တန်းကျောင်းမှာ တက်ရောက်ခဲ့ဖူးသူပါ။ တေလာဆွစ်ဖ်ဟာ ပရဟိတလုပ်ငန်းတွေမှာ တက်ကြွစွာ ပါဝင်ပြီး အလှူအတန်းရက်ရောသူတစ်ယောက် ဖြစ်ပါတယ်။ အခုနှစ်အတွင်း သူ့ရဲ့ Eras Tour အဖြစ် လှည့်လည်ဖျော်ဖြေခဲ့တဲ့ မြို့တိုင်းမှ food bank တွေကို ငွေကြေးလှူဒါန်းခဲ့ပါသေးတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
