ဂေါက်တီခုံ ၂၅၀၀၀ အသုံးပြု ဖန်တီးထားတဲ့ တိုက်ဂါးဝုဒ်ပုံတူ ကားချပ်
ဂေါက်ရိုက် ဝါသနာရှင်တစ်ဦးက ဂေါက်တီခုံ ၂၅၀၀၀ ကို အသုံးပြုပြီး ဂန္ထဝင်ဂေါက်ရိုက်သမား တိုက်ဂါးဝုဒ်ရဲ့ပုံကို ပုံဖော်ဖန်တီးခဲ့ပါတယ်။ အသက် ၄၃ နှစ်ရှိတဲ့ အမေရိကန်နိုင်ငံသား အေရွန်နောရစ်ဟာ ဂေါက်ကွင်းမှာ ဂေါက်တီခုံအကျိုးအပဲ့ အပိုင်းအစတွေ ပြန့်ကြဲနေတာ တွေ့ရပြီးနောက် အခုလိုဖန်တီးဖို့ အကြံရခဲ့တာပါ။
သူက ဂေါက်ကွင်းမှာ တွေ့ရတဲ့ ဂေါက်တီခုံ အပိုင်းအစတွေကို လိုက်ကောက်ခဲ့ပါတယ်။ ၆ ပေ x ၆ ပေ အရွယ်အစားရှိတဲ့ တိုက်ဂါးဝုဒ်ပုံတူ ကားချပ်ကို ဖန်တီးရာမှာ အသုံးပြုခဲ့တဲ့ ဂေါက်တီခုံ ၂၅၀၀၀ အနက် တစ်ဝက်လောက်က ဂေါက်တီခုံအပိုင်းအစတွေဖြစ်ပြီး ကျန်တစ်ဝက်ကတော့ အသစ်ထပ်ဝယ်ထားတာ ဖြစ်ပါတယ်။
အေရွန်နောရစ်ဟာ လက်ဝှေ့ဂန္ထဝင် မိုဟာမက်အလီ၊ Tesla ကုမ္ပဏီပိုင်ရှင် အီလွန်မက်စ်၊ NFL ကြယ်ပွင့်တွေဖြစ်တဲ့ ကယ်စီညီနောင်တို့ရဲ့ ပုံတူတွေကိုလည်း ဖန်တီးခဲ့ပါသေးတယ်။ သူ ဖန်တီးထားတဲ့ တိုက်ဂါးဝုဒ်ပုံတူ ကားချပ်ကိုတော့ ပြီးခဲ့တဲ့လက ရောင်းချခဲ့ပြီး ဈေးနှုန်းကိုတော့ ထုတ်ဖော်ပြောဆိုခဲ့ခြင်းမရှိပါဘူး။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
