ရထားကြိတ်ခံရလုဆဲဆဲမှာ မိခင်က သားသမီးနှစ်ဦးကို သူ့ခန္ဓာကိုယ်နဲ့အုပ်မိုးပြီး လူသားဒိုင်းကာအဖြစ် ကာကွယ်ပေးခဲ့
ရထားလမ်းပေါ် ပြုတ်ကျသွားပြီး ရထားကြိတ်ခံရလုဆဲဆဲမှာ အိန္ဒိယအမျိုးသမီးက သူ့ခန္ဓာကိုယ်ကို သားသမီးနှစ်ယောက်ပေါ်မှာ အုပ်မိုးပြီး လူသားဒိုင်းကာတစ်ခုလို ကာကွယ်ပေးသွားခဲ့ပါတယ်။
ပြီးခဲ့တဲ့ ဒီဇင်ဘာလ ၂၃ ရက်က အိန္ဒိယနိုင်ငံအရှေ့ပိုင်း ဘီဟာပြည်နယ်မှာ အခုလို ဖြစ်ပွားခဲ့တာပါ။ သူတို့မိသားစုဟာ နယူးဒေလီမြို့ကို သွားမယ့် ရထားနဲ့အတူ လိုက်ပါဖို့ ဘီဟာဘူတာရုံကို ရောက်လာခဲ့ကြတာပါ။ လူအုပ်ကြီးက ရထားပေါ် တိုးဝှေ့တက်ကြချိန်မှာ သူတို့သားအမိ ၃ ယောက်ကို တိုက်မိပြီး ရထားသံလမ်းပေါ် ပြုတ်ကျသွားခဲ့တာပါ။
အဲဒီအချိန်မှာပဲ ရထား စတင်ထွက်ခွာပြီး သားအမိ ၃ ယောက်ပေါ်ကနေ ဖြတ်သန်းခုတ်မောင်းသွားပါတယ်။ မိခင်ဖြစ်သူက သားသမီးနှစ်ယောက်ကို သူ့ခန္ဓာကိုယ်နဲ့ အုပ်မိုးပေးထားတာ ရုပ်သံမှတ်တမ်းမှာ မြင်ရပါတယ်။ ကံကောင်းချင်တော့ သူတို့ ရထားကြိတ်ခံရခြင်းမရှိသလို ထိခိုက်ဒဏ်ရာ တစ်စုံတစ်ရာလည်း မရခဲ့ပါဘူး။
ဒါပေမဲ့ ဒီဖြစ်ရပ်ဟာ အသက်ဘေးနဲ့ ကြုံရချိန်မှာ သားသမီးတွေအပေါ်ထားတဲ့ မိခင်မေတ္တာကို ထင်ထင်ရှားရှား မြင်တွေ့ခွင့်ရတာပဲ ဖြစ်ပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
