ဂျပန်နိုင်ငံမှာ ပြင်းအား ၇.၆ မဂ္ဂနီကျူ့စ်ရှိတဲ့ အင်အားပြင်းငလျင် လှုပ်ခတ်
ဂျပန်နိုင်ငံ အနောက်ပိုင်းမှာ ပြင်းအား ၇.၆ မဂ္ဂနီကျူ့စ်ရှိတဲ့ အင်အားပြင်းငလျင် လှုပ်ခတ်ခဲ့ပြီး အဆောက်အအုံအများအပြား ပြိုကျပျက်စီးခဲ့ပါတယ်။ အဆောက်အအုံ ပြိုကျပျက်စီးမှု အကြောင်းကြားချက် အနည်းဆုံး ၃၀ အထိ ရရှိခဲ့တယ်လို့ ဝါဂျီမာမြို့ မီးသတ်ဌာနက ထုတ်ပြန်ခဲ့ပါတယ်။
အနောက်ဘက်ကမ်းရိုးတန်းတွေမှာ ဆူနာမီသတိပေးချက် ထုတ်ပြန်ခဲ့ပြီး ၁၆ ပေအမြင့်ရှိတဲ့ လှိုင်းလုံးကြီးတွေ ရိုက်ခတ်နိုင်တယ်လို့ သတိပေးခဲ့ပေမဲ့ နောက်ပိုင်းမှာတော့ သတိပေးချက်အဆင့်ကို ပြန်လည်လျှော့ချခဲ့ပါတယ်။ ဒါပေမဲ့ အမြင့် ၁၀ ပေနီးပါးရှိတဲ့ လှိုင်းလုံးကြီးတွေ ရိုက်ခတ်နိုင်တယ်လို့ သတိပေးထားဆဲပါပဲ။
လွန်ခဲ့တဲ့ ၅ နာရီအတွင်း ဂျပန်နိုင်ငံအလယ်ပိုင်းမှာ ပြင်းအား ၃.၄ မဂ္ဂနီကျူ့စ်ကနေ ပြင်းအား ၇.၆ မဂ္ဂနီကျူ့စ်ရှိတဲ့ ငလျင်အကြိမ် ၅၀ လှုပ်ခတ်ခဲ့ပါတယ်။ လမ်းတွေ ကွဲအက်ခဲ့တာကြောင့် ယာဉ်ကြောတွေ ပိတ်ထားပြီး အီရှီကာဝါစီရင်စုနဲ့ တိုကျိုမြို့ကြား ကျည်ဆန်ရထား ပြေးဆွဲမှုကိုလည်း ဆိုင်းငံ့ထားပါတယ်။
ငလျင်လှုပ်ခတ်တဲ့ ဒေသတစ်ဝိုက်က နျူကလီးယားစက်ရုံတွေမှာတော့ ပုံမှန်မဟုတ်တဲ့ အခြေအနေမျိုး မရှိဘူးလို့ နျူကလီးယားစည်းကမ်းထိန်းသိမ်းရေး အာဏာပိုင်အဖွဲ့က ဆိုပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
