အခုနှစ်ကုန်မှာ ထုတ်လွှင့်ဖို့ စီစဉ်ထားတဲ့ Squid Game Season 2
ရုပ်ရှင်ချစ်ပရိသတ်တို့ မျှော်လင့်စောင့်ဆိုင်းနေတဲ့ Squid Game Season 2 ဟာ အခုနှစ်ထဲ ထွက်ရှိလာတော့မှာပါ။ Netflix ဟာ ‘Squid Game’ Season 2 ကို ၂၀၂၄ ခုနှစ်မှာ ထုတ်လွှင့်ဖို့ စီစဉ်ထားတယ်လို့ ဘဏ္ဍာရေးဆိုင်ရာရင်းနှီးမြုပ်နှံမှုပေးစာမှတစ်ဆင့်ကြေညာခဲ့တာကြောင့် Deadline လို နိုင်ငံခြားမီဒီယာသတင်းဌာနတွေရဲ့ဖော်ပြချက်အရ သိရပါတယ်။ “အရင်နှစ်က ဇာတ်လမ်းတချို့ထုတ်လွှင့်ဖို့ နောက်ဆုတ်ခဲ့ရပေမဲ့ ၂၀၂၄ ခုနှစ်အတွက် ထုတ်လွှင့်ဖို့စီစဉ်ထားပါတယ်။ Squid Game Season 2 က The Diplomat၊ Express Season 2၊ Bridgerton Season 3 တို့နဲ့အတူ ထွက်ရှိမှာပါ”လို့ ဖော်ပြထားပါတယ်။
Squid Game Season 1 ကို ၂၀၂၁ ခုနှစ် စက်တင်ဘာ ၁၇ ရက်နေ့က Netflix ကတဆင့် ထုတ်လွှင့်ခဲ့ပြီး ကမ္ဘာ့တဝှမ်းအောင်မြင်မှုများစွာရရှိခဲ့ပါတယ်။ ထုတ်လွှင့်တဲ့ ပထမလေးပတ်အတွင်း ကြည့်ရှုမှုနာရီပေါင်း ၁.၆၅ ဘီလျံကျော်သွားခဲ့တာပါ။
အခုနှစ်ထဲ ထုတ်လွှင့်မယ့် Squid Game Season 2 မှာ လီဗြောင်ဟွန်းက Front Man အဖြစ် ပြန်လည်ပါဝင်မှာဖြစ်ပြီး ဝီဟာဂျွန်းက လူသတ်မှုစုံထောက် ဟွမ်ဂျွန်ဟိုအဖြစ် ပြန်လည်ပါဝင်မှာပါ။ မင်းသားဂုံယိုးလည်း ပြန်ပါဝင်လာမှာဖြစ်ပါတယ်။ အခြားနာမည်ကြီးမင်းသားတော်တော်များများလည်း Season 2 မှာ ပါဝင်ထားပါတယ်။
ရေးသားသူ – Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
