ပျောက်ဆုံးသွားတဲ့ ခွေးလေးကို အိမ်ကနေ ၁ မိုင်ဝေးတဲ့ ဘားဆိုင်ကနေ ပြန်တွေ့
သခင်ကတော့ သူ့ခွေး ပျောက်သွားလို့ စိတ်ပူနေတာ။ ဟိုဟိုဒီဒီ လိုက်ရှာတော့လည်း မတွေ့ဘူး။ သူ့ခွေးလေးနဲ့ ပြန်ဆုံရပါ့မလားလို့ တွေးပြီး ငိုမိသေးတယ်။ ပြီးတော့ လူမှုကွန်ရက်မှာ သူ့ခွေးလေးပုံကို တင်ပြီး အိမ်ကနေ ပျောက်သွားလို့ တွေ့ရင် အကြောင်းကြားပေးပါဦးဆိုပြီး အကူအညီတောင်းတယ်။ ခဏကြာတော့ သူ့ဆီ မက်ဆေ့တစ်စောင် ဝင်လာတယ်။ သူ့မှာ ငိုနေရာကနေ ထရယ်မိရော။ သူ့ခွေးက ဘား ရောက်နေတာတဲ့။
ခွေးလေးက ၁၆ နှစ်အရွယ် ရှီဇူးအမျိုးအစား။ သူ့နာမည်က ဘဲလ်တဲ့။ သူ့သခင်ကတော့ အမေရိကန်နိုင်ငံ ဝစ္စကိုဆင်ပြည်နယ်၊ မစ်ဝေါ်ကီမြို့မှာ နေထိုင်တဲ့ ဂျင်နီဟာဇက်ပါ။ ခွေးလေး ဘဲလ်ကို သူ့အိမ်ကနေ တစ်မိုင်လောက်ဝေးတဲ့ ဘားကနေ ပြန်တွေ့ခဲ့တာပါ။ မိန်းကလေးတစ်စုက ခွေးလေး ဘဲလ်ကို လမ်းမှာတွေ့လို့ ချစ်စရာကောင်းတယ်ဆိုပြီး ပွေ့ချီလာခဲ့တာကြောင့် သူတို့နဲ့အတူ ဘားကို ပါလာတာပါ။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
