ပလတ်စတစ်ပုံးခွံ ခေါင်းစွပ်လျက်နဲ့ တစ်နှစ်ကြာ နေခဲ့ရတဲ့ လမ်းဘေးခွေးတစ်ကောင်ကို ကယ်တင်နိုင်ခဲ့
ပလတ်စတစ်ပုံးခွံ ခေါင်းစွပ်လျက်အနေအထားနဲ့ တစ်နှစ်ကြာ နေခဲ့ရတဲ့ လမ်းဘေးခွေးတစ်ကောင်ဟာ ကယ်တင်ခံခဲ့ရပြီး ရုပ်သံအစီအစဉ်မှာ ပါဝင်ခွင့်ရခဲ့လို့ ကျော်ကြားလာခဲ့ပါတယ်။ ဘဲလ်လို့ အမည်ပေးထားတဲ့ Cane Corso ခွေးတစ်ကောင်ဟာ အလာဘားမားပြည်နယ်ရဲ့ပင်လယ်ကွေ့ဒေသတစ်ဝိုက် ပလတ်စတစ်ပုံးခွံ ခေါင်းစွပ်လျက်အနေအထားနဲ့ လျှောက်သွားနေတာကို အခုနှစ် ဇန်နဝါရီလမှာ CBS ရဲ့ မိတ်ဖက်သတင်းဌာန WKRG က စတင်ဖော်ပြခဲ့ပါတယ်။
မျက်မြင်သက်သေတစ်ဦးရဲ့ ပြောပြချက်အရ ဘဲလ်ဟာ လွန်ခဲ့တဲ့လပေါင်းများစွာကတည်းက ပလတ်စတစ်ပုံးခွံ ခေါင်းစွပ်လျက် လျှောက်သွားနေခဲ့တာလို့ သိရပါတယ်။ WKRG သတင်းဌာနက ဒီသတင်းကို စဉ်ဆက်မပြတ် ဖော်ပြခဲ့လို့ ဒီအကြောင်းကို စိတ်ဝင်စားသူ များပြားခဲ့ပြီး City of Mobile Animal Services (COMAS) က ဘဲလ်ကို ဖမ်းဆီးကာ ပလတ်စတစ်ပုံးခွံ ဖယ်ရှားပေးဖို့ အကြိမ်ကြိမ် ကြိုးစားခဲ့ပါတယ်။
ဒါပေမဲ့ ဘဲလ်က ကြောက်လန့်တကြားဖြစ်ပြီး အနားကပ်မခံဘဲ ထွက်ပြေးနေခဲ့တာကြောင့် မအောင်မြင်ခဲ့ပါဘူး။ အမှိုက်ပုံးအဖုံးလို့ ယူဆရတဲ့ ပလတ်စတစ်ပုံးခွံက အပေါက်ကျယ်တဲ့အတွက် ဘဲလ်က အစာစားတာ၊ ရေသောက်တာတွေ လုပ်နိုင်ခဲ့ပြီး အသက်ဆက်ရှင်နိုင်ခဲ့တာပါ။
ဖေဖော်ဝါရီလ ၂၁ ရက်မှာတော့ ကယ်ဆယ်ရေးအဖွဲ့က ဘဲလ်က အတားအဆီးတွေနဲ့ ဝိုင်းရံပိတ်ဆို့ပြီး ဖမ်းဆီးနိုင်ခဲ့ပါတယ်။ အဲဒီနောက်မှာတော့ မာတင်မီလာလို့ အမည်ရသူက ဘဲလ်ရဲ့ခေါင်းမှာ စွပ်မိနေတဲ့ ပလတ်စတစ်ပုံးခွံကို ဖယ်ရှားပေးခဲ့တာပါ။ မာတင်မီလာက ဘဲလ်ကို မွေးမြူခွင့်လည်း ရရှိခဲ့ပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
