အထက်တန်းကျောင်းဘွဲ့ရတွေနဲ့အတူ ဘွဲ့နှင်းအပ်ခံခဲ့ရတဲ့ ကုထုံးခွေးလေး
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ အထက်တန်းကျောင်းဘွဲ့ရတွေနဲ့အတူ ဘွဲ့နှင်းအပ်ခံခဲ့ရတဲ့ ကုထုံးခွေးလေး ဆိုတဲ့သတင်းလေးပဲ ဖြစ်ပါတယ်။
အထက်တန်းကျောင်းဘွဲ့ရတွေနဲ့အတူ ဘွဲ့နှင်းအပ်ခံခဲ့ရတဲ့ ကုထုံးခွေးလေး
နယူးဂျာစီပြည်နယ်က ကုထုံးခွေးလေးတစ်ကောင်ဟာ သူ့ရဲ့ကြိုးစားအားထုတ်မှုကို အသိအမှတ်ပြုခံရတဲ့အနေနဲ့ အထက်တန်းကျောင်းဘွဲ့နှင်းသဘင်အခမ်းအနားတစ်ခုမှာ ဂုဏ်ပြုခံခဲ့ရပါတယ်။ ဇွန်လ ၂၁ ရက်နေ့က စပစ်ဖီဆိုတဲ့ အဲဒီခွေးလေးက Scotch Plains-Fanwood High School (SPFHS) မှာ အထက်တန်းကျောင်းဘွဲ့ရတွေနဲ့အတူ ဘွဲ့နှင်းအပ်ခံခဲ့ရတာပါ။
ပြီးခဲ့တဲ့ နွေဦးရာသီမှာ အသက် ၃ နှစ်အရွယ် ဂိုးလ်ဒင်း ရီထရီဗာခွေးအမျိုးအစား စပစ်ဖီလေးက အသိအမှတ်ပြုကုထုံးခွေးလေးဖြစ်လာဖို့ နာခံမှုသင်တန်းနဲ့ အဆင့်မြင့်လေ့ကျင့်မှုတွေကို အောင်မြင်ခဲ့တာပါ။ သူ့ရဲ့ကြိုးစားအားထုတ်မှုအားလုံးကို အသိအမှတ်ပြုပြီး တစ်နှစ်တာ တာဝန်ထမ်းဆောင်နိုင်မှုကို ဂုဏ်ပြုတဲ့အနေနဲ့ စပစ်ဖီလေးက ၂၀၂၃ ခုနှစ်အတန်းရဲ့ ဂုဏ်ထူးဆောင်ဘွဲ့ရတစ်ဦးဖြစ်လာခဲ့ပါတယ်။
စပစ်ဖီက သတ်မှတ်ထားတဲ့ အတန်းတွေနဲ့ ကလပ်အစည်းအဝေးတွေဆီ သွားလည်တာတွေမလုပ်ခင် မနက်တိုင်း ကျောင်းသား/သူတွေကို နှုတ်ဆက်လေ့ရှိပါတယ်။ သူက စိတ်ဖိစီးနေတဲ့ ကျောင်းသား/သူတွေရဲ့စိတ်ကို တည်ငြိမ်အောင်လည်း ကူညီပေးပါတယ်။ “ကိုဗစ်ကြောင့် လူတော်တော်များများရဲ့စိတ်ပိုင်းဆိုင်ရာကျန်းမာရေး ထိခိုက်ခဲ့ရတယ်။ ကျွန်တော်တို့ ကျောင်းပြန်လာတဲ့အချိန် စင်္ကြံလမ်းမှာ စပစ်ဖီကို မြင်တွေ့ရတာ ပျော်ရွှင်ခဲ့ရပါတယ်”လို့ ဘွဲ့ရ အီသန် ဖီလ်လာက ဆိုပါတယ်။
မကြာသေးခင်က စပစ်ဖီဟာ Mental Health Awareness Club အထက်တန်းကျောင်းပွဲမှာ ရှိုးရဲ့စတားဖြစ်ခဲ့တာပါ။ စာသင်နှစ်က ပြီးဆုံးတော့မှာဖြစ်ပေမဲ့ စပစ်ဖီက တိုးချဲ့ပညာသင်နှစ်အစီအစဉ်တွေမှာ ပါဝင်သွားမယ့် ကျောင်းသား/သူတွေနဲ့အတူ သူ့တာဝန်တွေကို ဆက်ပြီးထမ်းဆောင်သွားမှာဖြစ်ပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
