UNICEF နှလုံးလှသံတမန်အဖြစ် အိန္ဒိယနိုင်ငံကို ပထမဆုံးအကြိမ် လာရောက်လည်ပတ်နေတဲ့ ဒေးဗစ်ဘက်ခမ်း
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ UNICEF နှလုံးလှသံတမန်အဖြစ် အိန္ဒိယနိုင်ငံကို ပထမဆုံးအကြိမ် လာရောက်လည်ပတ်နေတဲ့ ဒေးဗစ်ဘက်ခမ်း ဆိုတဲ့သတင်းလေးပဲ ဖြစ်ပါတယ်။
UNICEF နှလုံးလှသံတမန်အဖြစ် အိန္ဒိယနိုင်ငံကို ပထမဆုံးအကြိမ် လာရောက်လည်ပတ်နေတဲ့ ဒေးဗစ်ဘက်ခမ်း
UNICEF နှလုံးလှသံတမန်လည်းဖြစ်တဲ့ အကျော်အမောဘောလုံးသမားဟောင်းဒေးဗစ်ဘက်ခမ်းဟာ မိန်းကလေးတွေအတွက် သာတူညီမျှမှုနဲ့ စွမ်းဆောင်နိုင်မှုတွေကို မြှင့်တင်ပေးဖို့ အိန္ဒိယနိုင်ငံကို အခုအပတ်မှာ အလည်အပတ်ရောက်ရှိလာခဲ့ပါတယ်။ ၄ ရက်တာခရီးစဉ်အတွင်း ဘက်ခမ်းဟာ အိန္ဒိယအစိုးရနဲ့ ပူးပေါင်းပြီး UNICEF ပံ့ပိုးပေးတဲ့အစီအစဉ်တွေက မိန်းကလေးတွေနဲ့ အမျိုးသမီးတွေအတွက် ဘယ်လို ကွဲပြားခြားနားမှုဖြစ်စေလဲဆိုတာကို ကိုယ်တိုင်မြင်တွေ့ခဲ့ရပါတယ်။
ဘက်ခမ်းက Wankhede Stadium မှာ ပြုလုပ်တဲ့ India နဲ့ New Zealand ခရစ်ကတ်ကစားပွဲဆီမီးဖိုင်နယ်မတိုင်ခင် ခရစ်ကတ်အကျော်အမော ဗီရက် ကိုဟ်လီနဲ့ တွေ့ဆုံခဲ့တဲ့အပြင် ခရစ်ကတ်ကစားပွဲကိုလည်း ကြည့်ရှုခဲ့ပါတယ်။
ဘက်ခမ်းဟာ ကလေးသူငယ်တွေကို ကျောင်းဆက်တက်အောင် ကူညီပေးပြီး ကလေးထိမ်းမြားလက်ထပ်တာနဲ့ ကလေးအလုပ်သမားတွေကို ငြင်းပယ်ဖို့ ကလေးတွေကို အားပေးကူညီပေးတဲ့ အစိုးရအရာရှိတွေနဲ့ တက်ကြွလှုပ်ရှားသူတွေနဲ့ တွေ့ဆုံခဲ့ပါတယ်။
ဘက်ခမ်းဟာ ဂူဂျာရတ်တက္ကသိုလ်ရဲ့ Vikram Sarabhai Children Innovation Centre က လူငယ်တီထွင်သူတွေနဲ့ စွန့်ဦးတီထွင်သူတွေကိုလည်း တွေ့ဆုံခဲ့ပါတယ်။ အမယ်ဒါဘတ်မြို့မှာတော့ သူက ပြောင်းလဲမှုတွေကို ဖန်တီးအောင် လူငယ်တွေကို လှုံ့ဆော်ပေးဖို့ လွန်ခဲ့တဲ့ ၂ နှစ်လောက်က Elixir နဲ့ UNICEF တို့ တည်ထောင်ခဲ့တဲ့ Gujarat Youth Forum က ကလေးတွေနဲ့တွေ့ဆုံခဲ့ပါတယ်။
အသက် ၆ နှစ်မှာ ခရစ်ကတ်စကစားခဲ့ပြီး အခု ခရစ်ကတ်အသင်းမှာ ယောက်ျားလေးတွေကြား တစ်ဦးတည်းမိန်းကလေးအသင်းသားဖြစ်နေတဲ့ လူငယ်ခရစ်ကတ်ကစားသမား အသက် ၁၂ နှ်အရွယ် ပရာသာ ဗာနာနဲ့လည်း စကားပြောခဲ့ပါတယ်။ ချို့တဲ့နွမ်းပါးတဲ့ ကင်ဆာရောဂါသည်တွေအတွက် စာအုပ်ရောင်းရငွေတွေကို လှူဒါန်းပေးနေတဲ့ အသက် ၁၄ နှစ်အရွယ် စာရေးဆရာမလေး အာရာ ချာဗဒါနဲ့လည်း တွေ့ဆုံဖြစ်ခဲ့ပါတယ်။
“UNICEF နှလုံးလှသံတမန် ဒေးဗစ်ဘက်ခမ်းရဲ့ အိန္ဒိယနိုင်ငံ ခရီးစဉ်ဟာ ကလေးတိုင်းအတွက် တန်းတူအခွင့်အလမ်းနဲ့ အခွင့်အရေးတွေရဲ့ အရေးပါမှုဆိုင်ရာ သတင်းစကားကို မီးမောင်းထိုးပြနေပါတယ်။ သူ့ရဲ့ခရီးစဉ်က အထူးသဖြင့် မိန်းကလေးအားလုံးကို တန်းတူရည်တူအခွင့်အလမ်းတွေ ပံ့ပိုးပေးဖို့ UNICEF ရဲ့မစ်ရှင်ကို အားဖြည့်ပေးပါတယ်” လို့ UNICEF India ကိုယ်စားလှယ် စင်သီယာ မက်ကာဖရီက ဆိုပါတယ်။
ရေးသားသူ – Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
