ဓမ္မစေတီမင်းစီရင်ခဲ့သောသက်စောင့်ဂါထာတော်
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ ဓမ္မစေတီမင်းစီရင်ခဲ့သောသက်စောင့်ဂါထာတော် ဆိုတဲ့သတင်းလေးပဲ ဖြစ်ပါတယ်။
ဓမ္မစေတီမင်းစီရင်ခဲ့သောသက်စောင့်ဂါထာတော်
“ဥုံ တိဓိညာ ညာဓိတိ ဓိတိညာဥုံ”
ဒုတိယ ကမ္ဘာစစ်ဖြစ်တော့မယ့် ကာလပျက်အခြေအနေမှာ မန္တလေးအနောက်ဘက်ကမ်း မင်းကွန်း ဓမ္မနာဒကျောင်းက မင်းကွန်းတိပိဋကဓရလောင်းလျာ ဆရာတော်ဦးဝိစိတ္တထံကို မြို့သာမြို့က ဆရာတော်ကြီး ဦးအာလောက ရောက်လာပါတယ် ။
အဲဒိအချိန်က စစ်ဖြစ်ဖို့ အခြေအနေကရှိနေပြီး မင်းကွန်းကလည်း တောခေါင်ခေါင် နောက် ဓမ္မနာဒတိုက်ထဲမှာကလည်း သံဃာကနည်းနည်း ။ ဒီတော့ ဆရာတော်ဦးအာလောကက မင်းကွန်းဆရာတော်ကို,,,,
“ဦးဇင်းလေး ပရိသတ်နည်းနည်းနဲ့ ဒီတောတောင်အရပ်ထဲမှာ ဘာအားကိုးစရာရှိသလဲ”လို့ မေးလိုက်ပါတယ် ။
မင်းကွန်းဆရာတော်က “အားကိုးစရာ ပိဋကတ်တော်ပဲရှိပါတယ်”လို့ ဖြေပါတယ် ။
အဲဒီအချိန်က မင်းကွန်းဆရာတော်က တိပိဋကစာမေးပွဲ မဖြေရသေးဘူး ။ ဒါပေမယ့် ပထမဓမ္မနာဒဆရာတော်ဆုံးမထားလို့ ပိဋကတ်သုံးပုံ အုပ်ရေ ၄၀ ကို နေ့စဉ် ဝတ်ထားပြီး ရွတ်ဆို ပူဇော်နေချိန် ဖြစ်
ပါတယ် ။
ဒါကို ရည်ရွယ်ပြီး မင်းကွန်းဆရာတော်က မိမိမှာ အားကိုးရာ ပိဋကတ်တော်သာ ရှိတယ်လို့ ဖြေခဲ့ရတာပါ ။
ဒီအခါ ဦးအာလောက က စာရွက်နဲ့ ခဲတံ တောင်းပြီး စာရွက်ပေါ်မှာ “ဥုံ တိဓိညာ ညာဓိတိ ဓိတိညာဥုံ”ဆိုတဲ့ ပါဠိကို အသွားအပြန်ရေးပြီး ပေးပါတယ် ။
ဒီဂါထာက ပဲခူး ဟံသာဝတီဘုရင် ဓမ္မစေတီမင်း စီရင်တဲ့သက်စောင့်ဂါထာပဲ ။ ဒီဂါထာကို ယုံကြည်ပြီးရွတ်ရင် ဘေးကင်းလုံခြုံတာကြောင့် ထန်းရွက် ၊ ထန်းဖူးပေါ်မှာ ကညစ်နဲ့ရေးပြီး ဒီကျောင်းဝင်းထဲက ကျောင်းတံခါးဝတွေမှာ သံနဲ့ ရိုက်ကပ်ထား’ ဆိုပြီးပြောတယ် ။
မင်းကွန်းဆရာတော်ကလည်း ဦးအာလောက ပြောတဲ့အတိုင်း လုပ်ပါတယ် ။ အဲဒိကမ္ဘာစစ်အတွင်း ဓမ္မနာဒကျောင်းထဲမှာ ဂျပန်စစ်တပ် လာတပ်စွဲနေပေမယ့် ကျောင်းတွင်းကျောင်းပြင် စစ်ဘေးဗုံးဘေးကကင်းလွတ်ခဲ့ပါတယ် ။
ဒီ “ဥုံ တိဓိညာ ပါဠိက “သတိ သမာဓိ ပညာ”ဆိုတဲ့ သာသနာ့ဆောင်ပုဒ် ဖြစ်ပါတယ် ။ မင်းကွန်းဆရာတော်ကြီးက စစ်ပြီး ဒီဘက်ခေတ်မှာလည်းတပည့်ရင်းချာ ဒကာအချို့ အခက်အခဲကြုံ တဲ့အခါ ဒီပါဠိလေးရေးခြစ်ထားတဲ့ ထန်းဖူးလေးကို စွန့်ပြီး ချီးမြှောက်တော်မူပါတယ် ။ ယုံကြည်ပြီးဆောင်သူတွေ လိုရာဆန္ဒပြည့်ဝကြပါတယ် ။
ရေးသားသူ –ဆရာ သာထက်ဇော် မကွေး
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
