နှစ် ၁၀၀ ကျော် သံကြိုးခတ်ပြီး ဖမ်းဆီးခံထားရတဲ့ သစ်ပင်ကြီး
ပါကစ္စတန်နိုင်ငံ ပက်ရှာဝါမြို့မှာ သံကြိုးခတ် ဖမ်းဆီးခံထားရတဲ့ သစ်ပင်ကြီးတစ်ပင် ရှိတယ်။ ၁၈၉၉ ခုနှစ်ကတည်းက သံကြိုးခတ်ခံထားရတာပါ။ ပါကစ္စတန်နိုင်ငံကို ဗြိတိသျှတွေ ကိုလိုနီလုပ်ပြီး သိမ်းပိုက်ထားတဲ့ကာလ ညနေခင်းတစ်ခုမှာ အရက်မူးနေတဲ့ ဗြိတိသျှအရာရှိ ဂျိမ်းစကွစ်က အဲဒီသစ်ပင်ကြီးနား ရောက်လာခဲ့ပါတယ်။
သူ့စိတ်ထဲမှာ သစ်ပင်ကြီးက နေရာရွှေ့နေတယ်လို့ ထင်လာတာကြောင့် သစ်ပင်ကို သံကြိုးခတ်ပြီး ဖမ်းဆီးဖို့ အမိန့်ထုတ်ခဲ့တာပါ။ ဒီအကြောင်း ရေးထားတဲ့ကမ္ဗည်းတချပ်လည်း သစ်ပင်မှာ ချိတ်ထားပါတယ်။
ဒေသခံတွေကတော့ အဲဒီသစ်ပင်ကြီးဟာ ပါကစ္စတန်လူထုအပေါ် ဗြိတိသျှတွေရဲ့ ဖိနှိပ်ချုပ်ချယ်မှုကို ဖော်ပြနေတဲ့ ပြယုဂ်တစ်ခုလို့ ရှုမြင်သဘောထားကြပါတယ်။ ငိုအားထက် ရယ်အားသန် အတိတ်ရှိခဲ့တဲ့ အဲဒီသစ်ပင်ကြီးဟာ ခရီးသွားဧည့်သည်တွေကို အဓိက ဆွဲဆောင်နေတဲ့နေရာတစ်ခုအဖြစ် ယနေ့တိုင် ရှိနေပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
