သတိမမူမိကြတဲ့ တံမြက်စည်းနိမိတ်
၁။ အပျိုတွေ တံမြက်စည်း ကျော်မိရင် အိမ်ထောင်မကျခင် ဗိုက် ကြီးတတ်ပါတယ်။
၂။ အပျို၊ လူပျိုတွေ ခြေဖျားပေါ်ကျော်ပြီး တံမြက်စည်း ခတ်မိရင် အဲ့ကလေးတွေ အိမ်ထောင်မကျတော့ပါဘူး။ တံမြက်စည်းကို တံတွေးနဲ့ ပြန်ထွေးခိုင်းပါ။
၃။ အိမ်နီး ခြံနီးချင်းတွေ ကိုယ့် အိမ်/ခြံ၀ကစပြီး တံမြက်စည်း လာလှည်းသွားရင် ၀င်မယ့်လာဘ် မ၀င်တော့ပါဘူး။ သူ့အိမ်၀က ပြန်လိုက်လှည်းယူပါ။
၄။ တံမြက်စည်းသစ်နဲ့ အိမ်ထဲက အိမ်ပြင် စ မလှည်းရပါဘူး။ ပစ္စည်းတစ်ခုခု အိမ်၀ချပြီး အိမ်ထဲ အရင်လှည်းထည့်ရပါတယ်။
၅။ ကိုယ့်မိသားစုတွေအကုန် ကံဆိုးနေတယ်ထင်ရင် ရှေ့၊ နောက် အိမ်တံခါးတွေဖွင့်ထားပြီး အိမ်ရှိလူကုန် အိမ်လယ်ကစ ရှေ့နောက်အပေါက်ဘက်ကို တံမြက်စည်း လှည်းခိုင်းပါ။
၆။ အိမ်၀င်တံခါးမှာ တံမြက်စည်း ကန့်လန့်ဖြတ်ချထားရင် မကောင်းတဲ့ ဝိဉာဉ် ၀င်မရပါဘူး၊၊ ပညာသည်တွေ ကြံစည်မရပါဘူး။
၇။ တံမြက်စည်းဟာ မမြင်ရတဲ့ နာမ်လောကသားတွေနဲ့ ဆက်နွယ်နေတာမို့ အိမ်မှုကိစ္စကလွဲပြီး တံမြက်စည်းနဲ့ ကစားခြင်း၊ ရိုက်ခြင်း လုံး၀မပြုရပါ။ လူကို အငြိုးထားတတ်ပါတယ်။
၈။ တံမြက်စည်းလှည်းရင်း ယောက်ျားလေးတွေ ထိမိရင် ဘုန်းကံနိမ့်ပါတယ်။ မတော်တဆ ထိမိလျှင် အဲ့ တံမြက်စည်းကို နံရံနဲ့ ၃ ချက် ရိုက်ပြီး အပြစ်ပေးပါ။
၉။ ဘုန်းကြီးကျောင်း၊ ဘုရားတွေက တံမြက်စည်းကို မသန့်သောလက်နဲ့ မကိုင်ပါနဲ့။
၁၀။ တံမြက်လှည်းရင် အိမ်၀က အိမ်ထဲပဲ လှည်းယူပါ။ အိမ်ထဲက အိမ်၀လှည်းလျှင် စီးပွားယုတ်လျော့ပါတယ်။
၁၁။ နှစ်ဆန်း ၁ ရက်နေ့ တံမြက်စည်း မလှည်းပါနဲ့။ လှည်းရင် အဲ့နှစ် လာဘ်ပိတ်ပါတယ်။
၁၂။ ညအိပ် ညနေ (ဧည့်ကောင်း) ပြန်ရင် ချက်ချင်း တံမြက်စည်း ထ မလှည်းပါနဲ့။ လှည်းရင် အဲ့ ဧည့်သည် နောက်တစ်ခါ မလာတော့ပါ။ ဧည့်ဆိုးပြန်ရင် နောက်မလာအောင် ချက်ချင်းသာ ထလှည်းပါ။
၁၃။ ညအချိန် တံမြက်စည်းမလှည်းပါနဲ့။ မဖြစ်မနေလှည်းရရင် အိမ်ထဲက အိမ်ပြင်ကို လှည်းထုတ်ပါ။
၁၄။ နာရေးရှိရင် ပထမသုံးရက် တံမြက်စည်း မလှည်းရပါဘူး။ သေသူ ဝိဉာဏ်ကို အိမ်စောင့်နတ်တွေ နှင်ထုတ်ပါတယ်။
၁၅။ တံမြက်စည်း ပြောင်းပြန်ထောင်ထားရင် သူများ မကောင်းကြံလို့ မရပါဘူး။ လာဘ်လာဘလည်း ရပါတယ်။
၁၆။ ညအိပ်ချိန် တံခါးအတွင်းဘက်မှာ တံမြက်စည်းပြောင်းပြန်ထောင်ထားလျှင် သူခိုး ကပ်မရပါဘူး။ အိပ်မွေ့ချမရ။
၁၇။ တံမြက်စည်းအဟောင်းကို အိမ်သစ် သယ်မသွားပါနဲ့။ မမြင်ရတာတွေ လိုက်သွားပါတယ်။ အိမ်သစ်မတက်ခင် တံမြက်စည်းအသစ် အရင်၀ယ်ပြီး သွားပို့ထားပါ။
ရေးသားသူ –ဇာဇာ ဗေဒင် ယတြာ
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
