သုဝဏ္ဏဘူမိလေဆိပ်မှာ ခရီးဆောင်အိတ်တွေထဲကနေ ပန်ဒါနီအပါအဝင် တိရစ္ဆာန် ၈၇ ကောင်ကို ရှာဖွေတွေ့ရှိ
သုဝဏ္ဏဘူမိလေဆိပ်မှာ ခရီးဆောင်အိတ်တွေထဲကနေ မျိုးသုဉ်းပျောက်ကွယ်မယ့် အန္တရာယ်ရှိတဲ့ ပန်ဒါနီတစ်ကောင် အပါအဝင် အခြားတိရစ္ဆာန် ၈၆ ကောင်ကို ရှာဖွေတွေ့ရှိခဲ့တယ်လို့ ထိုင်းနိုင်ငံ အကောက်ခွန်ဌာနက ထုတ်ပြန်ခဲ့ပါတယ်။
အိန္ဒိယနိုင်ငံ မွမ်ဘိုင်းမြို့ကို ပျံသန်းမယ့် လေကြောင်းခရီးစဉ်ပေါ် လိုက်ပါမယ့် အိန္ဒိယနိုင်ငံသား ၆ ယောက်ရဲ့ ခရီးဆောင်အိတ်တွေထဲကနေ တိရစ္ဆာန် ၈၇ ကောင်ကို တွေ့ရှိခဲ့တာပါ။ ခရီးဆောင်အိတ်တွေထဲကနေ ပန်ဒါနီ၊ ထိပ်ကွက်မျောက်၊ ကြောင်တံငါနဲ့ ဆူလာဝီစီဝက်ဝံတစ်ကောင် အပါအဝင် ပုတ်သင်ညို၊ မြွေ၊ ငှက်၊ လင်းနို့ အစရှိတဲ့ တိရစ္ဆာန် ၈၇ ကောင်ကို တွေ့ရှိခဲ့တာပါ။
ထိုင်းနိုင်ငံထဲကနေ တိရစ္ဆာန်အရှင်တွေ ခိုးထုတ်ဖို့ ကြိုးစားမှုအတွက် အိန္ဒိယနိုင်ငံသား ၆ ဦးကို ဖမ်းဆီးထိန်းသိမ်းခဲ့ပါတယ်။ ၂၀၀၉ ခုနှစ်ကနေ ၂၀၁၆ ခုနှစ်ကြားကာလအတွင်း ကမ္ဘာတစ်ဝန်းမှ လေဆိပ် ၁၃၆ ခုမှာ အလားတူ တိရစ္ဆာန် တရားမဝင်ကုန်ကူးမှုတွေ ရှိခဲ့ပြီး ထိုင်းနိုင်ငံက ဒုတိယအများဆုံးနေရာမှာ ရပ်တည်နေပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
