မြန်မာငွေ သိန်း ၆၃၀ ကျော်နဲ့ လေလံအောင်ခဲ့တဲ့ Lego အစိတ်အပိုင်း
ပရဟိတစတိုးတစ်ခုထံ လှူဒါန်းခဲ့တဲ့ ရွေသား Lego အစိတ်အပိုင်းတစ်ခုဟာ အမေရိကန်ဒေါ်လာ ၁၈၀၀၀ ကျော်နဲ့ လေလံအောင်ခဲ့ပါတယ်။ ပင်ဆယ်ဗေးနီးယားပြည်နယ်၊ ဒူဘိုဝစ်မြို့ ပရဟိတစတိုးမှ ဝန်ထမ်းတွေဟာ ပြည်နယ်ကောလိပ် စတိုးကနေ လွှဲပြောင်းပေးအပ်ခဲ့တဲ့ ရတနာပစ္စည်းတွေကို စိစစ်ရွေးချယ်နေရင်း ၁၄ ကာရက် ရွေသားနဲ့ ပြုလုပ်ထားတဲ့ Lego မျက်နှာဖုံးကို တွေ့ရှိခဲ့တာပါ။
မူလက ဒီပစ္စည်းကို အမေရိကန်ဒေါ်လာ ၁၅ ဒေါ်လာပဲ သတ်မှတ်ထားခဲ့ပေမဲ့ ဒေါ်လာ ၁၀၀၀ ကျော်ပေးပြီး လာဝယ်သူတွေရှိလာလို့ လေ့လာကြည့်ချိန်မှာ အလွန်ရှားပါးတဲ့ Lego မျက်နှာဖုံး ဖြစ်နေတာ တွေ့ရှိခဲ့ပါတယ်။ လွန်ခဲ့တဲ့ ၂၃ နှစ်ကျော်တုန်းက Lego ကုမ္ပဏီဟာ ရွေသားမျက်နှာဖုံး ၃၀ ဖန်တီးခဲ့ပြီး ၂၅ ခုကို မဲဖောက်ပေးခဲ့တာပါ။ ၅ ခုကတော့ Lego ကုမ္ပဏီထံမှာ ကျန်နေရစ်ပါတယ်။ ဒီမျက်နှာဖုံးဟာ အလွန်ရှားပါးတဲ့ Kanohi Hau မျက်နှာဖုံး ဖြစ်နေတာကြောင့် လေလံတင်ရောင်းချချိန်မှာတော့ အမည်မဖော်လိုသူတစ်ဦးက အမေရိကန်ဒေါ်လာ ၁၈၀၀၀ ကျော် ( မြန်မာငွေ သိန်း ၆၃၀ ကျော်)နဲ့ လေလံဆွဲခဲ့တာပါ။
အဲဒီမျက်နှာဖုံးဟာ ကမ္ဘာပေါ်မှာ လေလံတင်ရောင်းချခဲ့သမျှ Lego အစိတ်အပိုင်းတွေအနက် တန်ဖိုးအကြီးဆုံးအစိတ်အပိုင်းတစ်ခု ဖြစ်လာခဲ့ပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
