ဥပဒေပါ ထုတ်ထားရတဲ့ ကမ္ဘာ့ဈေးအကြီးဆုံးမှို
ဂျပန်နိုင်ငံမှ ထင်းရှူးမှို (matsutake mushroom)ဟာ ကမ္ဘာ့ဈေးအကြီးဆုံးမှိုဖြစ်ပြီး တစ်ပေါင်ကို အမေရိကန်ဒေါ်လာ ၅၀၀ အထိ ပေးရလေ့ရှိပါတယ်။ ထင်းရှူးမှိုတွေကို ကိုရီးယားကျွန်းဆွယ်၊ တရုတ်နဲ့ အမေရိကန်နိုင်ငံတွေမှာလည်း စိုက်ပျိုးလေ့ရှိပါတယ်။ ဒါပေမဲ့ ဂျပန်နိုင်ငံ (အထူးသဖြင့် ကျိုတိုမြို့တစ်ဝိုက်မှာ) စိုက်ပျိုးတဲ့ ထင်းရှူးမှိုကတော့ ဈေးအမြင့်ဆုံးပါပဲ။
ပြည်ပကနေ တင်သွင်းတဲ့ ထင်းရှူးမှိုတစ်ပေါင်က ဒေါ်လာ ၅၀ လောက်ပဲ ရှိပေမဲ့ ကျိုတိုမြို့မှာ စိုက်ပျိုးတဲ့ ထင်းရှူးမှိုကတော့ ၁၀ ဆ ပိုဈေးကြီးပါတယ်။ အဲဒီအတွက် ကွဲကွဲပြားပြား ဖြစ်အောင်လို့ ပြည်ပမှ တင်သွင်းလာတဲ့ မှိုတွေကို ရေဆေးပြီးမှ ဈေးကွက်မှာ ရောင်းချရမယ်၊ ပြည်တွင်းမှာ စိုက်ပျိုးတဲ့မှိုတွေကတော့ ရေမဆေးဘဲ ရောင်းချနိုင်တယ်လို့ ဂျပန်အစိုးရက ဥပဒေထုတ်ထားပါတယ်။
ဂျပန်မှာ စိုက်ပျိုးတဲ့ထင်းရှူးမှိုဟာ အနံ့ထူးခြားပြီး အသားဝါးနေရသလို အရသာမျိုး ရှိတယ်လို့ ဆိုပါတယ်။ ဒါ့အပြင် တော်တော်ရှားပါးတာကြောင့်လည်း ဈေးကြီးတာ ဖြစ်ပါတယ်။ လွန်ခဲ့တဲ့ နှစ် ၇၀ အတွင်း ဂျပန်ထင်းရှူးမှို အထွက်နှုန်းဟာ ၉၅ ရာခိုင်နှုန်းအထိ ကျဆင်းခဲ့ပါတယ်။ ဂျပန်ထင်းရှူးမှိုကို တစ်နှစ်မှာ တစ်ကြိမ်ပဲ (စက်တင်ဘာလမှ အောက်တိုဘာလကြား) ခူးဆွတ်လေ့ရှိပြီး ရာသီဥတုကြမ်းရင်လည်း အထွက်နှုန်း ကျဆင်းပါတယ်။
ရေးသားသူ -Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
