တရုတ်သိပ္ပံပညာရှင်တွေက ကမ္ဘာ့ပထမဆုံးအဖြစ် ပန်းပွင့်ကနေ ဓာတုဗေဒစိန် ဖန်တီး
တရုတ်သိပ္ပံပညာရှင်တွေက ကမ္ဘာ့ပထမဆုံးအနေနဲ့ ပန်းပွင့်ကနေ ဓာတုဗေဒစိန် ဖန်တီးနိုင်ခဲ့ပါတယ်။ အနီရောင် ပီယာနီ (peonies)ပန်းပွင့်ကနေ ကာဗွန်ထုတ်ယူပြီး ဖန်တီးထားတဲ့စိန်ကို ဧပြီလ ၁၈ ရက်နေ့က တရုတ်နိုင်ငံ၊ ဟီနန်ပြည်နယ်၊ လျှို့ယန်မြို့မှာ မိတ်ဆက်ပြသခဲ့ပါတယ်။
ပီယာနီပန်းပွင့်ကနေ ဖန်တီးထားတဲ့စိန်က ၃ ကာရက်ရှိပြီး ဓာတုဗေဒစိန်တွေ ဖန်တီးတဲ့ Luoyang Time Promise ကုမ္ပဏီက ထုတ်လုပ်ခဲ့တာပါ။ နှစ်သက်တမ်း ၅၀ ရှိတဲ့ ပီယာနီပန်းပင်အပါအဝင် ဓာတုဗေဒစိန် ဖန်တီးဖို့ လိုအပ်တဲ့ ပီယာနီပန်းပွင့်တွေကို လျှို့ယန်အမျိုးသား ပီယာနီဥယျာဉ်က ပံ့ပိုးပေးခဲ့တာဖြစ်ပါတယ်။
ပန်းပွင့်ကနေ ကာဗွန်ထုတ်ယူပြီး အပူချိန်ပြင်းပြင်း၊ ဖိအားပြင်းပြင်းနဲ့ စိန်ရဲ့ ကာဗွန်တည်ဆောက်မှုပုံစံ ပြန်လည်ဖန်တီးခဲ့တာပါ။ အဲဒီစိန်ပွင့်က ယွမ် ၃ သိန်း တန်ဖိုးရှိပြီး Luoyang Time Promise ကုမ္ပဏီက လျှို့ယန်အမျိုးသား ပီယာနီဥယျာဉ်ထံ ပြန်လည်လှူဒါန်းပေးခဲ့ပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
