ကြွယ်ဝချမ်းသာမှု ဒေါ်လာ သန်း ၇၇၀ နဲ့ ကမ္ဘာ့စတုတ္ထမြောက်အချမ်းသာဆုံးမင်းသားဖြစ်လာတဲ့ ရှရွတ်ခန်း
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ ကြွယ်ဝချမ်းသာမှု ဒေါ်လာ သန်း ၇၇၀ နဲ့ ကမ္ဘာ့စတုတ္ထမြောက်အချမ်းသာဆုံးမင်းသားဖြစ်လာတဲ့ ရှရွတ်ခန်း ဆိုတဲ့သတင်းလေးပဲ ဖြစ်ပါတယ်။
ဘုရင်ခန်းလို့ ချစ်စနိုးခေါ်ကြတဲ့ ဘောလိဝုဒ်စူပါစတား ရှရွတ်ခန်းဟာ ကမ္ဘာ့အချမ်းသာဆုံးမင်းသားစာရင်းမှာ ပါဝင်လာခဲ့ပါတယ်။ သူဟာ ကမ္ဘာ့စတုတ္ထမြောက်အချမ်းသာဆုံးမင်းသားအဖြစ် ရပ်တည်နေပါတယ်။
တနင်္ဂနွေနေ့က တွစ်တာမှာ World of Statistics က ထုတ်ပြန်ခဲ့တဲ့ “ကမ္ဘာ့အချမ်းသာဆုံးမင်းသားစာရင်း”အရ ရှရွတ်ခန်းက ကြွယ်ဝချမ်းသာမှု ဒေါ်လာ သန်း ၇၇၀ နဲ့ တစ်ဦးတည်းသောအိန္ဒိယမင်းသားအဖြစ် စာရင်းမှာပါဝင်ခဲ့ပါတယ်။ အမေရိကန်ဟာသသရုပ်ဆောင်မင်းသား ဂျယ်ရီစိန်ဖီဒ်က ကြွယ်ဝချမ်းသာမှု ဒေါ်လာ ၁ ဘီလျံနဲ့ ကမ္ဘာ့အချမ်းသာဆုံးမင်းသားအဖြစ် ထိပ်ဆုံးမှာ ရပ်တည်နေပါတယ်။ တေလာပယ်ရီကလည်း ကြွယ်ဝချမ်းသာမှု ဒေါ်လာ ၁ဘီလျံဖြစ်ပေမဲ့ စာရင်းရဲ့ နံပါတ် (၂) နေရာမှာ ရှိနေပါတယ်။ ပြီးရင် ကြွယ်ဝချမ်းသာမှု ဒေါ်လာ သန်း ၈၀၀ ရှိတဲ့ ဒွိန်းဂျွန်ဆန် (The Rock) က နံပါတ် (၃) နေရာမှာပါ။
ရှရွတ်ခန်းက မင်းသမီး ဒီပီကာပက်ဒူကုန်းနဲ့အတူ ပါဝင်သရုပ်ဆောင်ထားတဲ့ သူ့ရဲ့ရုပ်ရှင်ကားသစ် Pathaan ရုံတင်ပြသဖို့ ပြင်ဆင်နေပါတယ်။ အဲဒီဇာတ်ကားနဲ့ပတ်သက်ပြီး လူမှုကွန်ယက်ပေါ်မှာလည်း ပရိုမိုးရှင်းတွေလုပ်နေတဲ့ ရှရွတ်ခန်းဟာ နိုအီဒါမြို့က ပွဲတစ်ပွဲကို မကြာသေးခင်က တက်ရောက်ခဲ့ပါတယ်။ သူနဲ့တွေ့ဆုံခွင့်ရတဲ့ တချို့ပရိသတ်တွေရဲ့ပုံတွေကလည်း လူမှုကွန်ယက်ပေါ်မှာ ထွက်ပေါ်လာခဲ့ပါတယ်။ သူ အလုပ်များနေတဲ့ကြားက ပရိသတ်တွေအတွက် အချိန်ပေးပြီး သူ့ရဲ့ဟိုတယ်အခန်းမှာ ပရိသတ်တွေကို ဧည့်ခံခဲ့အပြင် ဓာတ်ပုံလည်း တွဲရိုက်ပေးခဲ့ပါတယ်။ ပရိသတ်တစ်ဦးကလည်း ဓာတ်ပုံတွေနဲ့အတူ မနက် ၂ နာရီလောက်မှာ သူတို့အတွက် အချိန်ပေးလို့ ရှရွတ်ခန်းကို ကျေးဇူးတင်ထားပါတယ်။
ရေးသားသူ – Yoyarlay
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
